নগাঁৱত বিশ্ব ৰক্তদাতা দিৱস পালন
নগাঁও,১৪জুন:
আজি বিশ্ব ৰক্তদাতা দিৱস এই দিৱসৰ লগত সংগতি ৰাখি আজি নগাঁৱৰ শ্বহীদ ভোগেশ্বৰী ফুকননী অসামৰিক চিকিৎসালয়ৰ উদ্যোগত আৰু মাৰোৱাৰী যুৱ মঞ্চ আৰু মাৰোৱাৰী সন্মিলনৰ সহযোগত চিকিৎসালয়ল খনত এক ৰক্তদান শিবিৰ অনুষ্ঠিত কৰে। তদুপৰি এই দিৱস উপলক্ষে ৰাইজৰ মাজত সজাগতা সৃষ্টিৰ বাবে চিকিৎসালয় খনৰ সভাগৃহত এখন সভাৰো আয়োজন কৰে। ৰক্ত দান শিবিৰত চহৰখনৰ বহু সংখ্যক ব্যক্তি তথা ৰাষ্ট্ৰীয় শিক্ষাৰ্থী বাহিনী, অৰ্ধসামৰিক 
বাহিনীৰ জোৱান সকলে প্ৰায় শতাধিক ইউনিট ৰক্ত ভড়াল লৈ দান কৰে। এই অনুষ্ঠানত মুখ্য অতিথি হিচাপে উপস্থিত থাকে নগাঁও – বটদ্ৰৱা বিধানসভা সমষ্টিৰ বিধায়ক ৰূপক শৰ্মা আৰু নগাঁও জিলা আয়ুক্ত দেৱাশীষ শৰ্মা। নিজৰ ভাষণ প্ৰসংগত বিধায়ক গৰাকীয়ে কয় – ৰক্তদান জীৱন দান আৰু মানৱতাৰ সেৱা। ৰক্তদান কাৰ্যই এখন সমাজ আৰু এটা পৰিয়াল লৈ সহায়ৰ হাত আগবঢ়োৱা হয়।এই ক্ষেত্ৰত ৰক্তদানৰ সম্পৰ্কে
জিলাখনৰ শিক্ষানুষ্ঠানৰ ছাত্ৰ ছাত্ৰী সকলৰ মাজত সজাগতামূলক কাৰ্য্যসূচী গ্ৰহণ কৰিব লাগে বুলি আশা প্ৰকাশ কৰে।এই অনুষ্ঠানত জিলা খনৰ স্বাস্থ্য বিভাগৰ জ্যেষ্ঠ বিষয়া বৰ্গ আৰু সহযোগী দুয়োটা সংগঠনৰ নেতৃবৰ্গ উপস্থিত থাকে।