মার্কিন বাহিনীকো সকীয়নি আৰ্ভোৱানৰ!
ইৰানত পুনৰ আক্রমণ চলিলে হব ভয়াৱহ পৰিস্থিতি
তুৰস্কই আক্ৰমণ কৰিব ইজৰাইলক!
ইস্তানবুল,২৭এপ্রিল:
ইৰান আক্ৰমণৰ বিৰোধিতা কৰি বহু দেশে আমেৰিকা আৰু
ইজৰাইলৰ সংগ ত্যাগ কৰিছে যদিও প্রতিপক্ষ ইৰানৰ প্ৰতি ক্ৰমাৎ বিভিন্ন দেশৰ সমর্থন বৃদ্ধি পাইছে। শেহতীয়াকৈ ইৰানৰ পক্ষ লৈছে তুৰস্কই। দেশখনে ঘোষণা কৰিছে যে ইজৰাইলে ইৰান আক্রমণ কৰিলেই এতিয়াৰ পৰা তুৰস্কয়ো ইজৰাইলত আক্রমণ আৰম্ভ কৰিব। উল্লেখনীয় যে তুৰস্কৰ নৌসেনা বাহিনী আৰু ড্রোনৰ আক্ৰমণ ক্ষমতা বিশ্বৰ অন্যতম শ্রেষ্ঠ। তুৰস্কৰ 
ৰাষ্ট্ৰপতি য়াছিপ টায়েপ আর্ডোৱানে কৈছে- ‘ইৰান আমাৰ পুৰণি বন্ধু ৰাষ্ট্ৰ। এই বন্ধু ৰাষ্ট্ৰক বিপদৰ দিনত আমি এৰিব নোৱাৰো।’ আমেৰিকা যুক্তৰাষ্ট্ৰৰ হৰমুজ প্রণালী অৱৰোধ ত্যাগ কৰাৰ বাবেও তুৰস্কই আমেৰিকাক পৰোক্ষভাৱে সকীয়নি দিয়ে আৰু আৰব সাগৰৰ পৰা মার্কিন বাহিনীক আঁতৰি যোৱাৰ হুংকাৰ দিয়ে। তুৰস্কই ঘোষণা কৰে যে হৰমুজ প্রণালীত ইৰানে যিসমূহ মাইন স্থাপন কৰিছিল 
সেইবোৰ তুৰস্কৰ জাহাজ তথা নৌবাহিনীয়ে আঁতৰ কৰিব। সম্প্রতি আমেৰিকাই হৰমুজ প্রণালীত সাগৰীয় মাইন দূৰ কৰাৰ কামত জড়িত হোৱা বুলি দাবী কৰি এই কার্য সম্পূৰ্ণ কৰিবৰ বাবে ছমাহৰ প্ৰয়োজন হ’ব বুলি ঘোষণা কৰিছে। কিন্তু তুৰস্ক মার্কিন বাহিনীৰ উপস্থিতি বিচৰা নাই।