কলেজীয়া ছাত্ৰী খাইৰুন নেছাৰ হত্যাকাণ্ড

কলেজীয়া ছাত্ৰী খাইৰুন নেছাৰ হত্যাকাণ্ড

ন্যায়ৰ দাবীত শ শ পুৰুষ-মহিলাৰ উত্তাল প্ৰতিবাদ

কামৰূপ:

দক্ষিণ কামৰূপৰ কালাতলী চৌধুৰীপামত সাব্যস্ত প্ৰতিবাদ৷

পুৰুষ-মহিলা ওলাই আহি হত্যাকাৰীক ফাঁচীৰ দাবীত এই প্ৰতিবাদ৷

উল্লেখ্য যে, সোণতলী আঞ্চলিক মহাবিদ্যালয়ৰ তৃতীয় ষাণ্মাষিকৰ ছাত্ৰী তথা চৌধুৰীপাম গাঁৱৰ আব্দুল খালেকৰ কন্যা খাইৰুন নেছাক ১৫ অক্টোবৰত চোকা অস্ত্ৰৰে ঘপিয়াই নৃশংসভাৱে হত্যা কৰিছিল৷

ছাত্ৰী খাইৰুন নেছাক দিন দুপৰে নিজগৃহত চোকাঅস্ত্ৰৰে ঘপিয়াই নৃশংসভাৱে হত্যা কৰি পলাই গৈছিল নুৰুল ইছলাম নামৰ লম্পট যুৱক জনে।

বালাগাঁও চৰৰ নুৰুল ইছলাম নামৰ যুৱকে নৃশংসভাৱে হত্যা কৰিছিল ছাত্ৰীগৰাকীক৷

ঘটনাৰ পাছৰ পৰাই সমগ্ৰ অঞ্চলটোত তীব্ৰ উত্তেজনা বিৰাজ কৰিছিল।

হত্যাকাণ্ড সংঘটিত কৰিয়েই যুৱকটো পলায়ন কৰিছিল যদিও কালি নুৰুল ইছলামক মিৰ্জাৰ পৰা আৰক্ষীয়ে গ্ৰেপ্তাৰ কৰে৷

নুৰুল ইছলামক গ্ৰেপ্তাৰৰ পিচতে চৌধুৰীপামৰ আজি ৰাইজে হাতে-হাতে প্লে-কাৰ্ড লৈ হত্যাকাৰীক ফাঁচী দিয়ক, নাৰী নিৰ্যাতন বন্ধ কৰক, খাইৰুন নেছা অমৰ হওঁক আদি শ্ল’গান দি পৰিবেশ উত্তাল কৰি তোলে৷