ডিব্ৰুগড়ত ছাত্ৰ নিৰুদ্দেশ! ব্ৰহ্মপুত্ৰ নদীত গা ধুবলৈ গৈ অঘটন
চাইন অন ডেস্ক,২৮জুলাই:
ডিব্ৰুগড়ত কালি বিয়লি সংঘটিত এক মৰ্মান্তিক ঘটনাই গভীৰ শোকৰ ছাঁ পেলাইছে। আজি বন্ধু-বান্ধৱীৰ সৈতে গা ধুবলৈ গৈ ব্ৰহ্মপুত্ৰ নদীত নিৰুদ্দেশ হৈছে দশম শ্ৰেণীৰ এজন ছাত্ৰ।নিৰুদ্দেশ হোৱা কিশোৰজন 
ডিব্ৰুগড়ৰ ৰ’জ গলীৰ বাসিন্দা উদ্দীপ্ত গগৈ বুলি জানিব পৰা গৈছে।তথ্য অনুসৰি আজি বিয়লি উদ্দীপ্তই ৰ’জ গলীৰ বাসগৃহৰ পৰা বন্ধুৰ সৈতে মোহনাঘাট গৈছিল।এই ভৰ বাৰিষাৰ সময়ত ল’ৰাকেইটাই গা ধুবলৈ নদীত নমাৰ সময়তে এই ঘটনা সংঘটিত হয়।প্ৰচণ্ড সোঁতে উদ্দীপ্তক উটুৱাই নিয়াৰ পৰাই উদ্দীপ্ত নিৰুদ্দেশ হৈ আছে।ৰাষ্ট্ৰীয় দুৰ্যোগ সঁহাৰি বাহিনীৰ দলসমূহে নদীত অভিযান চলাইছে।
যদিও কোনো সন্ধান পোৱা নাই।
এই ঘটনাই স্থানীয় ৰাইজৰ মাজত আতংক আৰু গভীৰ উদ্বেগৰ সৃষ্টি কৰিছে।নিৰুদ্দেশ হোৱা উদ্দীপ্তৰ সন্ধানত অভিযান অব্যাহত আছে।