জম্মু-কাশ্মীৰ পুনৰ ৰক্তাক্ত হব নে কি ?
চোৰাংচোৱাই সষ্টম কৰিলে নিৰাপত্তা বাহিনীক
অমৰনাথ যাত্ৰাৰ সীমান্তত সাজু হৈ আছে ৩৬ টা সন্ত্রাসবাদী?
শ্রীনগৰ,২৪জুন:
জম্মু-কাশ্মীৰত সীমান্তৰ ওচৰতে প্রায় ৪৫ টা দুর্ধর্ষ আৰু প্রশিক্ষণপ্রাপ্ত সন্ত্রাসবাদীয়ে আত্মগোপন কৰি আছে। ইয়াৰে ৩৬টাই অমৰনাথ যাত্রাত বিধি-পথালি দিবলৈ সাজু হৈ আছে বুলি চোৰাংচোৱাই সদৰী কৰিছে। ইয়াৰ পিচতে সষ্টম হৈ 
পৰিছে নিৰাপত্তা বাহিনী। অহা ৩ জুলাইৰ পৰা ২৮ আগষ্টলৈ ৫৭ দিন ধৰি অমৰনাথ যাত্ৰা আৰম্ভ হ’ব। চোৰাংচোৱাৰ মতে এই ৩৬টা সন্ত্রাসবাদীয়ে এম-৪ আমেৰিকান কাৰ্বাইন আৰু ষ্টীল বুলেট লৈ
অমৰনাথ যাত্ৰীৰ ওপৰত আক্ৰমণ চলাবলৈ সাজু হৈ আছে। সন্ত্রাসবাদীকেইটাই আফগানিস্তানত প্রশিক্ষণ লৈছিল। জইছ-ই-মহম্মদ আৰু লস্কৰ-ই-তৈবাৰ সৈতে জড়িত 
এই সন্ত্রাসবাদীকেইটাই অমৰনাথ যাত্রাপথত থকা দুর্গম পাহাৰীয়া অঞ্চলৰ গুহাত লুকাই থাকি কূটাঘাত চলাব বুলি সন্দেহ কৰিছে চোৰাংচোৱাই।