ককাইদেউতা নাতি আৰু হাতী-২
ডিব্ৰুগড়ৰ ছবিগৃহত দৰ্শকৰ আশাব্যঞ্জক সহাৰি
চাইন অন ডেস্ক,৩জুলাই:
বহু প্ৰত্যাশিত অসমীয়া কথাছবি ‘ককাইদেউতা নাতি আৰু হাতী ২’ আজিৰে পৰা ৰাজ্যৰ ছবিগৃহত মুক্তি লাভ কৰাৰ পাছতে এতিয়া ছবিগৃহত দৰ্শকৰ প্ৰথম দৰ্শনীৰে পৰা ভিৰ কৰা পৰিলক্ষিত হৈছে।ইয়াৰ সমান্তৰালকৈ ডিব্ৰুগড়ৰ চ’হম মাৰ্কেটৰ ‘গেলেৰীয়া’ ছবিগৃহত দৰ্শকৰ আশাব্যঞ্জক সহাৰি পোৱা পৰিলক্ষিত হয়।ছবিখন গেলেৰীয়াত তিনিটা দশনী আগবঢ়োৱা হৈছে।পুৱা ১১ বজাৰ প্ৰথম দৰ্শনীত 
দশক কিছু হেৰেঙা আছিল যদিও বাকি দুটা দৰ্শনী যথেষ্ট ভীৰ হোৱা দেখা যায়।ছবিখন উপভোগ কৰি ডিব্ৰুগড়ৰ যুটীয়া স্বাস্থ্য সঞ্চালক কাৰ্যালয়ৰ নিলাক্ষী গগৈয়ে মনৰ অনুভৱ প্ৰকাশ কৰি সংবাদমাধ্যমৰ আগত কয় যে যদিও তাহানিৰ ছবিখন ছোৱা নাছিলো যদিও এই ছবিখন যথেষ্ট মনোগ্ৰাহী আৰু এখন পৰিয়ালৰ উপভোগ্য ছবি।আন এগৰাকী দৰ্শক দিব্য সোণোৱালে পৰিয়ালৰ সৈতে উপভোগ কৰি অতি সুন্দৰ বাস্তৱ ছবি বুলি অভিহিত
কৰে।আনহাতে স্বাস্থ্য বিভাগৰ কৰ্মচাৰী নিবেদিতা কলিতাই পৰিয়াল সতে উপভোগ কৰি অতি ৰোমাঞ্চিত হোৱাৰ কথা ব্যক্ত কৰে।তাহানিৰ ছবিখনৰ দুটা গীত এই নতুন ছবিখনত সংযোজন কৰাত খুউব সুন্দৰ হোৱা বুলি আন এগৰাকী দৰ্শকে মত প্ৰকাশ কৰি নষ্টালজিয়া হৈ পৰা বুলিও জানিব দিয়ে।অধিকাংশ দৰ্শকে ছবিখন পৰিয়ালৰ বাবে এখন উন্নত মানৰ বিনোদন ছবি বুলি মত প্ৰকাশ কৰে।মুঠৰ ওপৰত প্ৰথম দিনাই ডিব্ৰুগড়ত ছবিখনে দৰ্শকৰ যথেষ্ট সমাদৰ পাবলৈ সক্ষম হোৱা বুলি কব পাৰি।