ডিব্ৰুগড়ৰ খোৱাঙত ভয়ংকৰ পথ দূৰ্ঘটনা
দুই গৰু চোৰসহ পশুধনৰ মৃত্যু
চাইন অন ডেস্ক,১৯ছেপ্তেম্বৰ:
আজি পুৱা ডিব্ৰুগড়ৰ খোৱাঙৰ হেৰিটেজ নগা ধাবাৰ সমীপৰ ৩৭ নং ৰাষ্ট্ৰীয় ঘাইপথত এক ভয়ংংকৰ দূৰ্ঘটনা সংঘটিত হয়।খোৱাঙত এখন বিলাসী তীব্ৰবেগী বাহনখনে ৰোড ডিভাইডাৰত খুন্দা মৰাৰ ফলতে এই ঘটনা সংঘটিত হয়।জানিব পৰা 
অনুসৰি উক্ত দূৰ্ঘটনাত দুই সন্দেহযুক্ত গৰু চোৰ ক্ৰমে আৰমান আহমেদ আৰু বিকি চেতিয়া নিহত হয়।সূত্ৰ অনুসৰি ডিমৌ বঙালী গাঁৱৰ পৰা পশুধন চুৰি হোৱা বুলি অভিযোগ উত্থাপন হৈছে। পশুধন কঢ়িয়াই অনা উক্ত বিলাসী গাড়ীখনে ডিভাইডাৰত পুৱতি নিশা প্ৰায় ৩ বজাত খুন্দা মৰাত বিকি চেতিয়া সহ আৰমান আহমেদ ঘটনাস্থলীতে নিহত হয়।ঘটনাৰ লগত জড়িত তৃতীয় গৰু চোৰ ৰিতু আলী গুৰুতৰভাৱে আহত হয়।আনহাতে
বাহনখনত অবৈধভাৱে পৰিবহণ কৰা চাৰিটা গৰুৰ ভিতৰত তিনিটা—এটা গৰ্ভৱতী গৰু আৰু দুটা পোৱালিও এই সংঘৰ্ষত মৃত্যুমুখত পৰে।ঘটনাটোৱে ব্যাপক চাঞ্চল্যৰ স্বৃষ্টি হৈছে।