আন্তঃৰাষ্ট্ৰীয় ফুটবলৰ পৰা অৱসৰ ঘোষণা মেছিৰ
বুয়েনছ আয়াছ,১চেপ্তেম্বৰ:
আন্তঃৰাষ্ট্ৰীয় ফুটবলৰ পৰা অৱসৰ ঘোষণা কৰিলে লিঅ’নেল মেছিয়ে। এইবাৰৰ ফিফা বিশ্বকাপৰ ফাইনেল মেচখনেই দেশৰ হৈ তেওঁৰ অন্তিম আন্তঃৰাষ্ট্ৰীয় মেচ হৈ থাকিল। সামাজিক মাধ্যমৰ জৰিয়তে নিজৰ অৱসৰৰ কথা সদৰী কৰে আর্জেন্টিনাৰ কিংবদন্তি ফুটবলাৰগৰাকীয়ে। চলিত মাহৰ আৰম্ভণিতে মেছিয়ে আন্তঃৰাষ্ট্ৰীয় ফুটবল কেৰিয়াৰ আগুৱাই নিব নে নাই, তাক লৈ সংশয়ৰ সৃষ্টি হৈছিল। বিশ্বকাপৰ ফাইনেলত স্পেইনৰ বিৰুদ্ধে পৰাস্ত হোৱাৰে পৰাই আন্তঃৰাষ্ট্ৰীয় ফুটবলৰ পৰা অৱসৰ লোৱাৰ কথা চিন্তা-চৰ্চা কৰিছিল তেওঁ। পিতৃ জর্জে মেছিৰ মৃত্যুৰ বাবেই হয়তো ততাতৈয়াকৈ অৱসৰৰ সিদ্ধান্ত ঘোষণা কৰিছে আর্জেন্টিনাৰ 
বিশ্বকাপজয়ী অধিনায়কগৰাকীয়ে। দেশৰ জাৰ্ছিত ২০৭খন আন্তঃৰাষ্ট্ৰীয় মেচত ১২৫ টা গ’ল কৰা মেছিয়ে।
২০২২ত অধিনায়ক হিচাপে ফিফা বিশ্বকাপৰ খিতাপ জয় কৰিছিল। উল্লেখ্য যে ইয়াৰ পূর্বে ২০১৬ত কোপা আমেৰিকাৰ ফাইনেলত পৰাস্ত হোৱাৰ পিচতো তেওঁ অৱসৰৰ কথা ঘোষণা কৰিছিল। কিন্তু ইয়াৰ পিচত অৱসৰ ভংগ কৰি ফাইনেলিছিমাত পুনৰ উভতি অহাৰ পিচত কোপা আমেৰিকা আৰু বিশ্বকাপ জিনিছিল। সামাজিক মাধ্যমত এক দীঘলীয়া বার্তাত মেছিয়ে কয়- ‘অত্যন্ত কষ্টৰে এই সিদ্ধান্ত ল’বলগীয়া হৈছে। কিন্তু বুজিব পাৰিছো যে উপযুক্ত সময় আহি পৰিছে। মই সদায়ে নিজৰ শ্ৰেষ্ঠ দিবলৈ চেষ্টা কৰিছো। সদায়ে দেশৰ জাৰ্ছিৰ বাবে যুঁজিছো। ফুটবলৰ জৰিয়তে সকলোকে আনন্দ দিয়াৰ উপৰি নিজকে আর্জেন্টাইন হিচাপে দেশবাসীক গৌৰৱান্বিত কৰিব বিচাৰিছো। মই আৰু দিবলগীয়া একো নাই। বহু উদীয়মান ফুটবলাৰ দেখিছো, যিসকল এতিয়া জাতীয় দলটোত থকাৰ যোগ্য।’