দুধনৈত ভয়ংকৰ ছুৰিঘাটৰ ঘটনা
ছুৰিৰে উপৰ্যুপৰি আক্ৰমণ!
দুধনৈ:
দুধনৈৰ সাৰাপাৰাত নিশা ভয়ংকৰ ছুৰিঘাটৰ ঘটনা ৷ এজন গুৰুত্বৰ ভাৱে আহত ৷
দুধনৈ আৰক্ষী থানাৰ অন্তৰ্গত সাৰাপাৰাত যোৱা নিশা এক ভয়ংকৰ ছুৰিঘাটৰ ঘটনা সংঘটিত হয়। সাৰাপাৰা বড়ীপাৰা অঞ্চলত সংঘটিত এই আক্ৰমণৰ ঘটনাত ছানিদুল আলি নামৰ এজন যুৱক গুৰুবৰ ভাৱে আহত হৈছে।
প্ৰাপ্ত তথ্যমতে, একেখন গাঁৱৰে মিজাবুল আলি নামৰ এজন যুৱকে কোনো পুৰণি সংঘাতৰ বাবেই ছানিদুল আলিক ছুৰিৰে উপৰ্যুপৰি আক্ৰমণ কৰাৰ গুৰুত্বৰ অভিযোগ উত্থাপন হৈছে। আক্ৰমণৰ ফলত ছানিদুল আলিৰ শৰীৰৰ তল পেটত গভীৰ ক্ষতৰ সৃষ্টি হয়। স্থানীয় ৰাইজে তেওঁক ততাতৈয়াকৈ উদ্ধাৰ কৰি সংকটজনক অৱস্থাত চিকিৎসালয়ত ভৰ্তি কৰায়।
ঘটনাৰ খবৰ পোৱাৰ লগে লগে ঘটনাস্থলীত মাটিয়া আৰক্ষীৰ এটা দল উপস্থিত হৈ তদন্ত আৰম্ভ কৰিছে। অভিযুক্ত মিজাবুল আলি বৰ্তমান পলাতক বুলি জানিব পৰা গৈছে। সম্প্ৰতি মাটিয়া আৰক্ষীয়ে মৰনৈ আৰু দুধনৈ আৰক্ষীক লগত লৈ যুটীয়া ভাবে অভিযুক্তক কৰায়ত্ত কৰিবলৈ অভিযান তীব্ৰতৰ কৰি তুলিছে। এই ঘটনাৰ ফলত অঞ্চলটোত তীব্ৰ চাঞ্চল্যৰ সৃষ্টি হৈছে।