আজি বিশ্ব ৰক্তদাতা দিৱস
নাহৰণি সামূহিক স্বাস্থ্য কেন্দ্ৰত মেগা ৰক্তদান শিবিৰ
চাইন অন ডেস্ক,১৪জুন:
বিশ্ব ৰক্তদাতা দিৱস উপলক্ষে নাহৰণি খণ্ড প্ৰাথমিক স্বাস্থ্য কেন্দ্ৰৰ উদ্যোগত আৰু জিলা স্বাস্থ্য সমিতি, ডিব্ৰুগড় আৰু অসম চিকিৎসা মহাবিদ্যালয়ৰ ৰক্ত ভঁৰাল (Blood bank)ৰ
সহযোগত আজি নাহৰণি সামূহিক স্বাস্থ্য কেন্দ্ৰৰ চৌহদত এক মেগা ৰক্তদান শিবিৰ অনুষ্ঠিত কৰা হয়।
ৰক্তদানৰ গুৰুত্বৰ বিষয়ে জনসাধাৰণক সজাগ কৰা আৰু ৰোগীৰ বাবে প্ৰয়োজনীয় ৰক্তৰ যোগান নিশ্চিত কৰাই এই শিবিৰ মূল উদ্দেশ্য আছিল।
চি.আই.এছ.এফ- নামৰূপ বিভিএফচিএল, স্থানীয় যুৱক, আৰক্ষী আৰু চিকিৎসালয়ৰ কৰ্মচাৰীসকলে আগবাঢ়ি আহি আজি এই শিবিৰত স্বেচ্ছাই ৰক্তদান কৰে।
এই কাৰ্যসূচীত ডিব্ৰুগড়ৰ যুটীয়া স্বাস্থ্য সেৱা সঞ্চালক
ডা. তৃষ্ণা বৰা,ডা. সৌমেন ভাগৱতী,মুখ্য চিকিৎসা আৰু স্বাস্থ্য বিষয়া (চি.ডি.), ডা. অদিতি শৰ্মা, অসম চিকিৎসা মহাবিদ্যালয়ৰ ৰক্ত ভঁৰালৰ ভাৰপ্ৰাপ্ত বিষয়া, নাহৰণি খণ্ড প্ৰাথমিক স্বাস্থ্য কেন্দ্ৰৰ মহকুমা স্বাস্থ্য আৰু 
চিকিৎসা বিষয়া, নাহৰণি সামূহিক স্বাস্থ্য কেন্দ্ৰৰ উপ অধীক্ষক আৰু ৰাষ্ট্ৰীয় স্বাস্থ্য অভিযানৰ নাহৰণি খণ্ড আঁচনি প্ৰৱন্ধন গোটৰ কৰ্মচাৰীসকলেও কাৰ্যসূচীত অংশগ্ৰহণ কৰে।
এই উপলক্ষে যুটীয়া স্বাস্থ্য সঞ্চালক ডা. তৃষ্ণা বৰাই ৰক্তদাতাসকলক ধন্যবাদ জ্ঞাপন কৰি সকলোকে নিয়মীয়াকৈ স্বেচ্ছা মূলক ভাৱে ৰক্তদান কৰিবলৈ আহ্বান জনায়।
ডিব্ৰুগড় জিলাৰ স্বাস্থ্য বিভাগ আৰু স্থানীয় জনসাধাৰণৰ যৌথ প্ৰচেষ্টাত এই কাৰ্যসূচীয়ে আজি নাহৰণি অঞ্চলটিত ৰক্তদান সন্দৰ্ভত ব্যাপক সজাগতা সৃষ্টি কৰিবলৈ সক্ষম হয় ।