ড্ৰিষ্টি নেত্ৰালয়ত সফলভাৱে বৃহৎ অৰ্বিটেল টিউমাৰ অস্ত্ৰোপচাৰ
চাইন অন ডেস্ক,৯জুলাই:
উজনি অসমৰ উন্নত চকু চিকিৎসাত পুনৰ এক উল্লেখযোগ্য সফলতা অৰ্জন কৰিলে ডিব্ৰুগড়ৰ ড্ৰিষ্টি নেত্ৰালয়ে। চিকিৎসালয়খনত সফলভাৱে এটা বৃহৎ অৰ্বিটেল (চকুৰ গহ্বৰ) টিউমাৰ অস্ত্ৰোপচাৰ কৰি ৰোগীৰ দৃষ্টি আৰু স্বাভাৱিক জীৱন পুনৰ ঘূৰাই দিবলৈ সক্ষম হোৱাত চিকিৎসা বিজ্ঞানৰ ক্ষেত্ৰত এক মাইলৰ খুটি হিচাপে পৰিগণিত হৈছে।
এই জটিল অস্ত্ৰোপচাৰৰ নেতৃত্ব দিয়ে ডাঃ ঈশা আগৰৱালাই আৰু ড্ৰিষ্টি নেত্ৰালয়ৰ বিশেষজ্ঞ চিকিৎসক দল। অস্ত্ৰোপচাৰৰ পাছত ৰোগী সম্পূৰ্ণ সুস্থ হৈ পুনৰ দেখা, খোজ কঢ়া আৰু দৈনন্দিন 
কাম-কাজ স্বাভাৱিকভাৱে কৰিব পাৰিছে বুলিও জানিব পৰা গৈছে।
ডাঃ ঈশা আগৰৱালাই কয়,–“উজনি অসমৰ ৰাইজক বিশ্বমানৰ চকু চিকিৎসা নিজ অঞ্চলতেই প্ৰদান কৰাটো আমাৰ লক্ষ্য। জটিল অস্ত্ৰোপচাৰৰ বাবে 
যাতে বাহিৰলৈ যাব নালাগে, সেই দিশতেই আমি সদায় প্ৰতিশ্ৰুতিবদ্ধ।”
ড্ৰিষ্টি নেত্ৰালয়ে উন্নত চকু চিকিৎসাৰ ক্ষেত্ৰত উজনি অসমৰ এক বিশ্বাসযোগ্য কেন্দ্ৰ হিচাপে সেৱা আগবঢ়াই আহিছে।