প্রাক্তন উপ-মুখ্য অভিযন্তা ৰঞ্জিত কুমাৰ বৰাৰ ৩.৫০ কোটি টকাৰ স্থাৱৰ অস্থাৱৰ সম্পত্তি জব্দ ইডিৰ
চাইন অন ডেস্ক,২৫আগষ্ট:
উত্তৰ-পূব সীমান্ত ৰে’লৱেৰ এজন প্ৰাক্তন শীর্ষ বিষয়াই ধনৰ বিনিময়ত ঠিকাদাৰক বিভাগীয় ঠিকা আবণ্টন দি গঢ়া ৩.৫০ কোটি টকাৰ স্থাৱৰ-অস্থাৱৰ সম্পত্তি
২০২৪ চনত ঘোচখোৰ বিষয়া ৰঞ্জিত কুমাৰ বৰাৰ মৃত্যু হ’লেও অব্যাহত তদন্ত
বাজেয়াপ্ত কৰিছে এনফ’র্চমেন্ট ডাৰেক্টৰেট (ইডি)-এ। দুর্নীতিগ্রস্ত এই প্রাক্তন শীর্ষ বিষয়াজন হ’ল ইতিপূর্বে উত্তৰ-পূব সীমান্ত ৰে’লৱেৰ উপ-মুখ্য বৈদ্যুতিক
অভিযন্তা (নির্মাণ) পদত কাৰ্যনিৰ্বাহ কৰা ৰঞ্জিত কুমাৰ বৰা। ইডিৰ তৰফৰ পৰা সদৰী কৰা অনুসৰি বিহাৰৰ পাটনাত থকা প্রায় ৩.২৮ কোটি টকা মূল্যৰ এটা আৱাসিক ফ্লেট আৰু কানাড়া বেংকত সোণাল জৈনৰ নামত টার্ম ডিপ’জিট হিচাপে ৰখা প্রায় ২১.২৪ লাখ টকা। উল্লেখ্য যে ধন সৰবৰাহ প্ৰতিৰোধ আইনৰ অধীনত নতুন দিল্লীস্থিত চিবিআইৰ দুর্নীতি নিবাৰক শাখা-১ত 
ৰুজু হোৱা এটা গোচৰৰ ভিত্তিত ইডিয়ে পৰৱৰ্তী সময়ত উত্তৰ-পূব সীমান্ত ৰে’লৱেৰ প্ৰাক্তন শীর্ষ বিষয়া বৰাৰ বিৰুদ্ধে অনুসন্ধান চলায়। এই গোচৰটো আছিল উত্তৰ-পূব সীমান্ত ৰে’লৱেৰ ঠিকা আবণ্টনৰ বিনিময়ত ঠিকাদাৰৰ পৰা তেওঁ উৎকোচ বিচৰা আৰু গ্ৰহণ কৰা। ২০২১ চনৰ ১৪ ডিচেম্বৰত চিবিআইৰ অভিযানকাৰী দলে অভিযান চলাই উৎকোচ লোৱাৰ সময়তে ঘোচখোৰ বৰাক হাতে-লোটে গ্ৰেপ্তাৰ কৰে। এই সন্দৰ্ভত অনুসন্ধানকাৰী সংস্থাটোৱে ২০২২ চনত দাখিল কৰিছিল চার্জশীট। পৰৱৰ্তী সময়ত অনুসন্ধান কালত উত্তৰ-পূব সীমান্ত ৰে’লৱেৰ প্ৰাক্তন শীর্ষ বিষয়াজনে ঠিকাদাৰী প্ৰতিষ্ঠান মেছাৰ্ছ ছানছাইনৰ সৈতে জড়িত চিন্তন জৈন আৰু নয়ন চন্দ্ৰ জৈনৰ পৰা উৎকোচ লোৱাৰ তথ্য ইডিয়ে লাভ কৰে।
ইডিৰ মতে, বেআইনীভাৱে আহৰণ কৰা এই ধন হাৰিয়ানাৰ গুৰুগ্ৰামস্থিত প্লেটিনাম টাৱাৰত এটা ফ্লেট কিনাৰ বাবে ব্যৱহাৰ কৰা হৈছিল। যি সম্পত্তি ২০২৪ চনত প্রায় ৩.৫০ কোটি টকাত বিক্ৰী কৰা হয়। ধনৰাশি চিন্তন জৈন আৰু তেওঁৰ পত্নী সোণাল জৈনৰ বেংক একাউণ্টৰ মাধ্যমেৰে লেনদেন কৰা হৈছিল। পিছত পাটনাত ফ্লেট কিনাৰ বাবদ লোৱা গৃহ ঋণ পৰিশোধ কৰিবলৈ সোেণাল জৈনৰ নামত ধনৰাশি ফিক্সড ডিপ’জিট কৰা হয়। লক্ষণীয়ভাৱে অনুসন্ধান অব্যাহত ৰখাৰ মাজতে ২০২৪ চনৰ ৬ ছেপ্টেম্বৰত মৃত্যু হয় উত্তৰ-পূব সীমান্ত ৰে’লৱেৰ শীৰ্ষ বিষয়াজনৰ। তৎসত্ত্বেও ইডিয়ে বর্তমানপর্যন্ত অনুসন্ধান অব্যাহত ৰাখিছে।