বিধ্বস্ত পথে জ্বলাকলা খুৱাইছে ৰাইজক
বিধায়কক তাৎক্ষণিক ব্যৱস্থাৰ দাবী ৰাইজৰ
নগৰবেৰা,৩ছেপ্তেম্বৰ:
কামৰূপৰ ছমৰীয়া সমষ্টিৰ ৰঙ্গেশ্বৰী পাম গাঁৱৰ পৰা টুপামাৰী বজাৰলৈ যোৱা পথৰ বিধ্বস্ত অৱস্থাই ৰাইজক যাতায়তৰ নামত নৰকযন্ত্ৰণা ভোগাই আহিছে। অতিকে গুৰুত্বপূৰ্ণ
পথছোৱাৰ ঠায়ে ঠায়ে প্ৰকাণ্ড গাঁতৰ সৃষ্টি হোৱাৰ লগতে আন একাংশত বোকাময় পৰিৱেশৰ সৃষ্টি হোৱাত যাতায়াত ব্যৱস্থা ব্যাহত হৈ পৰিছে।স্বাধীনতাৰ ৮০ বছৰ অতিক্ৰম কৰাৰ পাছতো নৱগঠিত ছমৰীয়া সমষ্টিৰ 
সংখ্যালঘু অধ্যুষিত অঞ্চলসমূহৰ বহু বাট-পথে আজি পৰ্যন্ত উন্নয়নৰ মুখ নেদেখি ক্ষোভ প্ৰকাশ কৰিছে স্থানীয় ৰাইজ | বৰষুণৰ সময়ত পথছোৱাত পানী আৰু বোকা জমা হৈ পৰাত পথটো পুখুৰীসদৃশ ৰূপ ধাৰণ কৰে। ফলত ছাত্ৰ-ছাত্ৰী, চৰকাৰী কৰ্মচাৰী, ব্যৱসায়ীকে ধৰি সৰ্বসাধাৰণ লোকৰ দৈনন্দিন যাতায়াতত ব্যাপক সমস্যাৰ সৃষ্টি হয়। শীঘ্ৰে পথচোৱাৰ উন্নয়নত মনোনিৱেশ কৰিবলৈ সংশ্লিষ্ট বিভাগ তথা বিধায়ক ৰেকিবুদ্দিন আহমেদক দাবী জনাইছে।