ঘিলামৰাত নৃশংস হত্যাকাণ্ড
শহুৰেকে ডিঙি কাটি হত্যা কৰিলে জোঁৱাৱেকক
ঢকুৱাখনা,১০ছেপ্টেম্বৰ:
ঘিলামৰাৰ থানাৰ অৰ্ন্তগত নলতলি গাঁৱত বুধবাৰে বিয়লি সংঘটিত হৈছে এক লোমহৰ্ষক হত্যাকাণ্ড।শহুৰেকে জোঁৱাৱেকক দাৰে ঘপিয়াই হত্যা কৰাৰ এক ঘটনা সংঘটিত হৈছে ৷পাৰিবাৰিক কন্দলৰ বাবেই বাবে নিজ নিজ গৃহৰ ভিতৰতে চোকা অস্ত্ৰৰে ডিঙি কাটি হত্যা কৰে বুধি বৰুৱা নামৰ লোকজনক।পাৰিবাৰিক কন্দলৰ বাবেই এই ঘটনা সংঘটিত হোৱাৰ সন্দেহ স্থানীয়
লোকৰ।জানিব পৰামতে প্ৰায়ে ৰুগীয়া পত্নীক শাৰীৰিকভাৱে অত্যাচাৰ চলাই আহিছিল স্বামী বুধি বৰুৱাই। পিতৃ গৃহত থাকি চিকিৎসা চলাই থকা ৰোগাক্ৰান্ত পত্নীক পিতৃৰ সমুখতে পূৰ্বৰ দৰেই 
আজিও শাৰীৰিকভাৱে অত্যাচাৰ চলোৱাৰ ঘটনাক অতিষ্ঠ হৈ গৃহৰ ভিতৰতে এখন চোকা দাৰে ডিঙি কাটি অতি নিৰ্মমভাৱে জোঁৱাৱেকক হত্যা কৰে শহুৰেক হেম গোহাঁইয়ে।এই নৃশংস হত্যাকাণ্ড সংঘটিত কৰিয়েই বিয়লি ভাগত হত্যাকাণ্ডত ব্যৱহাৰ কৰা দাখনৰ সৈতে ঘিলামৰা থানাত হত্যাকাৰী হেম গোহাঁইয়ে আত্মসৰ্মপন কৰে।জোঁৱাৱেকৰ কৰ্মকাণ্ডত অতিষ্ঠ হৈয়ে হত্যা কৰা বুলি চাঞ্চল্যকৰ স্বীকাৰোক্তি ধৃত হত্যাকাৰী বুধি বৰুৱাৰ।পৰৱৰ্তী সময়ত ঘটনাস্থলীত আৰক্ষী উপস্থিত হৈ ঘৰৰ ভিতৰৰ পৰা হেম গোহাঁইৰ ৰক্তাক্ত মৃতদেহ উদ্ধাৰ কৰি ঘিলামৰা থানালৈ লৈ যায়।আৰক্ষীয়ে হত্যাকাৰীক নিজৰ জিম্মাত ৰাখি অব্যাহত ৰাখিছে তদন্ত।