বানাক্ৰান্তসকললৈ সহায়ৰ হাত ডিব্ৰুগড় জে জে এম হস্পিতাল
মুখ্যমন্ত্ৰীৰ সাহাৰ্য পুঁজিলৈ ৫ লাখ টকাৰ অনুদান
চাইন অন ডেস্ক,৩আগষ্ট:
উজনি অসমৰ এক অন্যতম চিকিৎসা সেৱা প্ৰতিস্থান জে জে এম হস্পিতালৰ পৰিচালন সঞ্চালক তথা স্ত্ৰী ৰোগ আৰু প্ৰসূতি বিভাগৰ বিশিষ্ট চিকিৎসক ডাঃ সঞ্জীৱ শৰ্মাই ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাক কালি 
ডিব্ৰুগড়ত সাক্ষাৎ কৰি মুখ্যমন্ত্ৰীৰ সাহাৰ্য পুঁজিলৈ ৫ লাখ টকাৰ এক অনুদান প্ৰদান কৰে।অসমৰ
বানাক্ৰান্তসকললৈ ডিব্ৰুগড়ৰ জে জে এম হস্পিতালৰ পৰিচালন সঞ্চালক ডাঃ সঞ্জীৱ শৰ্মাই প্ৰদান কৰা এনে সহায়ৰ হাতে নিশ্চিতভাবেই বৰ্ণাত্যসকলক কিছু হলেও উপকৃত কৰিব বুলি আশাবাদী হস্পিটেল কতৃপক্ষ।ডিব্ৰুগড়ৰ এই জে জে এম হস্পিটেলেে সময়ে সময়ে সমাজৰ বিভিন্ন ক্ষেত্ৰত তথা স্তৰত বহু ইতিবাচক কৰ্মৰে নিজৰ সামাজিক
দায়বদ্ধতাৰ পৰিচয় দি আহিছে।কালি ডিব্ৰুগড়ৰ আমোলাপট্টি ৰাজহুৱা নামঘৰৰ উদ্যোগত জে জে এম হস্পিটেলে লাকুৱাৰ লোণপুৰীয়া গাঁৱত বান সাহাৰ্য আৰু স্বাস্থ্য শিৱিৰ আয়োজন কৰি লাকোৱাৰ নাহৰহাবি চাহ বাগিচাৰ সহযোগিতা বিনামূলীয়া চিকিৎসা সেৱা আগবঢ়োৱাৰ লগতেই ২০০ টা পৰিয়াললৈ শিক্ষাৰ্থীৰ প্ৰয়োজনীয় সামগ্ৰী বিতৰণ কৰি এক মহানুভৱতাৰ পৰিচয় দিবলৈ সক্ষম হৈছে। আনহাতেদি অলপতে হস্পিতালখনৰ পৰিচালন সঞ্চালক তথা বিশিষ্ট চিকিৎসক ডাঃ সঞ্জীৱ শৰ্মাৰ বিশেষ প্ৰচেষ্টাত শিৱসাগৰ জিলাৰ কেইবাটাও বানপীড়িত অঞ্চলত ব্যাপকভাৱে বান সাহায্য বিতৰণ কৰা হয়।জিলাখনৰ মগৰহাট, আলাইমুখ আৰু নাজিৰাৰ সুন্দৰপুখুৰী সুলাল গাঁৱত হস্পিতাল কৰ্তৃপক্ষই সাহায্য প্ৰদান কৰে।অঞ্চলকেইটাৰ প্ৰায় দুশটা বানাক্ৰান্ত পৰিয়ালৰ মাজত খাদ্যসামগ্ৰীকে ধৰি বিভিন্ন প্ৰয়োজনীয় আৰু নিত্য-ব্যৱহাৰ্য বস্তু বিতৰণ কৰা হয়।জে জে এম হস্পিতালৰ মুখ্য বিত্তীয় বিষয়া সৌৰভ দে’ আৰু মানৱ সম্পদ বিষয়া চাহিন আহমেদৰ নেতৃত্বত যোৱা ১৫ জনীয়া এটা অভিজ্ঞ কৰ্মীৰ দলে প্ৰত্যক্ষভাৱে উপস্থিত হৈ এই সাহায্য সামগ্ৰীসমূহ বানপীড়িত ৰাইজৰ হাতত তুলি 
দিয়ে। এই মানৱীয় পদক্ষেপত হস্পিতালৰ দলটোক বিশেষভাৱে সংগ প্ৰদান কৰে উদীয়মান অভিনেতা অনুৰাগ বিতুপনে।অভিনেতাগৰাকীয়ে প্ৰতিগৰাকী বানাক্ৰান্ত লোকৰ দুখ-দুৰ্দশাৰ বুজ লয় আৰু তেওঁলোকৰ কাষত থিয় দিয়াৰ আশ্বাস দিয়ে।