বামুনবড়ীত কৃতী ছাত্ৰ-ছাত্ৰীক সম্বৰ্দ্ধনা
নগৰবেৰা,৩১মে’:
দেশী জনগোষ্ঠীয় মঞ্চ আৰু দেশী যুৱ ছাত্ৰ মঞ্চৰ কামৰূপ জিলা সমিতিৰ উদ্যোগত আজি কৃতী ছাত্ৰ-ছাত্ৰীলৈ এক সম্বৰ্দ্ধনা অনুষ্ঠানৰ আয়োজন কৰা হয় |উক্ত অনুষ্ঠান ত২০২৬ বৰ্ষৰ উচ্চ আৰু উচ্চতৰ মাধ্যমিক চূড়ান্ত পৰীক্ষাত প্ৰথম বিভাগত উত্তীৰ্ণ প্ৰায় শতাধিক ছাত্ৰ-ছাত্ৰীক সম্বৰ্ধনা জ্ঞাপন কৰা হয়৷
সম্বৰ্ধনা অনুষ্ঠানটোৰ সভাপতিত্ব কৰে দেশী জনগোষ্ঠীয় মঞ্চৰ কামৰূপ জিলা সমিতিৰ সভাপতি মহিদুল ইছলামে৷সম্বৰ্ধনা অনুষ্ঠানত উপস্থিত থাকে অৱসৰপ্ৰাপ্ত শিক্ষক তথা জিলা সমিতিৰ উপদেষ্টা কিম্মধ আলী, 
খলিলউদ্দিন আহমেদ, দেশী সাহিত্য সভা অসমৰ কামৰূপ জিলা সমিতিৰ সভাপতি আমিৰ হুছেইন আহমেদৰ লগতে বহু বিশিষ্ট ব্যক্তি৷সভাত উপস্থিত বিশিষ্ট ব্যক্তিসকলে ছাত্ৰ ছাত্ৰীৰ শৈক্ষিক ভৱিষ্যত সন্দৰ্ভত গুৰুত্বপূৰ্ণ বক্তব্য আগবঢ়ায় ৷শেষত উপস্থিত কৃতী ছাত্ৰ-ছাত্ৰীসকলক দেশী জনগোষ্ঠীয় গামোচা, জাপি আৰু সম্বৰ্দ্ধনা পত্ৰ জ্ঞাপন কৰা হয়৷