অভিজ্ঞ ভাস্কৰৰ বিপৰীতে দুই যুৱ শক্তি
মাৰ্ঘেৰিটাৰ ১,৭৬,৩০১ ভোটাৰে কাক দিব আস্থা ?
৩ প্ৰাৰ্থীৰ মনোনয়ন বৈধ্য ঘোষণা
চাইন অন ডেস্ক:
৮৩নং মাৰ্ঘেৰিটা বিধানসভা সমষ্টিত আসন্ন নিৰ্বাচনক লৈ ৰাজনৈতিক পৰিৱেশ ক্ৰমশঃ গৰম বতাহ বৃদ্ধি পাইছে ।নিৰ্বাচন আয়োগৰ কৰ্তৃপক্ষই এই সমষ্টিৰ তিনিওজন প্ৰাৰ্থীৰ মনোনয়নপত্ৰ বিধিসম্মতভাৱে বৈধ বুলি ঘোষণা কৰিছে। বৈধ ঘোষিত প্ৰাৰ্থীসকল ক্ৰমে ভাৰতীয় 
জনতা পাৰ্টি (বিজেপি)ৰ হৈ ভাস্কৰ শৰ্মা, ৰাইজৰ দলৰ হৈ ৰাহুল ছেত্ৰী তথা জয় ভাৰত পাৰ্টি আৰু ঝাৰখণ্ড মুক্তি মোৰ্চা (জে.এম.এম.)-ৰ সংযুক্ত প্ৰাৰ্থীৰূপে জাৰ্ণেল মিঞ্জ। উল্লেখযোগ্য যে এই সমষ্টিত বিজেপি, ৰাইজৰ দল তথা জয় ভাৰত
পাৰ্টি-জে.এম.এম. জোঁটৰ মাজত ত্ৰিকোণীয় প্ৰতিদ্বন্দ্বিতা হ’ব। মনোনয়নপত্ৰ বৈধ ঘোষণাৰ লগে লগে তিনিওজন প্ৰাৰ্থীয়ে নিজ নিজ নিৰ্বাচনী প্ৰচাৰ অভিযান পূৰ্ণোদ্যমে আৰম্ভ কৰিব বুলি সংবাদমাধ্যম যোগে জানিব দিছে। দুবাৰৰ বিধায়ক তথা পুনৰ এইবাৰ বিজেপী দলৰ প্ৰাৰ্থীত্ব লাভ কৰা ভাস্কৰ শৰ্মাৰ সন্মুখত দুই যুৱ প্ৰতিদ্বন্দ্বিয়ে কি দৰে জনসাধাৰণ মাজলৈ আগবাঢ়িব সেইয়া লক্ষণীয় হ’ব।এই সমষ্টিৰ ভোটাৰসকলে কোনজন প্ৰাৰ্থীক তেওঁলোকৰ প্ৰতিনিধি হিচাপে বিধানসভালৈ প্ৰেৰণ কৰে, সেয়া চাবলৈ সমগ্ৰ অঞ্চলৰ ৰাইজ সাগ্ৰহে অপেক্ষাৰত। যদিওঁ বা বিজেপী দলৰ প্ৰাৰ্থী গৰাকীয়ে দুই যুৱ প্ৰাৰ্থী তেওঁৰবাবে কোনোধৰণৰ ফেক্টৰ নহয় বুলি সংবাদ মাধ্যমত বক্তব্য প্ৰকাশ কৰাৰ বিপৰীত ৰাইজৰ দলৰ প্ৰাৰ্থী ৰাহুল চেত্ৰীয়ে ভাস্কৰ শৰ্মাই বিগত সময়ত জনসাধাৰণ যি সমূহ অভাৱ অভিযোগ ফলপ্ৰসূ নকৰিলে তথা ঐতিহাসিক ভিত্তি থকা সমষ্টিটোৰ দীৰ্ঘদিনীয়া বিভিন্ন সমস্যা ৰাইজৰ মাজত তুলি ধৰিব উল্লেখ কৰিছে। অন্যহাতে জাৰ্ণেল মিঞ্জে তেওঁ মূল যুঁজখন ভাস্কৰ শৰ্মাৰ বিৰুদ্ধে হ’ব বুলি উল্লেখ কৰিছে। উল্লেখ যে ৮৩ নং মাৰ্ঘেৰিটা সমষ্টিৰ এইবছৰ বিধানসভা নিৰ্বাচন সৰ্বমুঠ ভোটাৰৰ সংখ্যা ১৭৬৩০১ গৰাকী। ইয়াৰে পুৰুষ ভোটাৰ ৮৬৫৩৪ জন আৰু মহিলা ভোটাৰ ৮৯৭৬৭ গৰাকী। এইসকল ভোটাৰে ৯ এপিলত ইভিএমট বুটাম টিপি কোনগৰাকীক প্ৰাৰ্থীক শেষ হাহিঁ মৰাব সেইয়া ৪ মে’ৰ ভোটগণনা দিনটোলৈ অপেক্ষা কৰিব লাগিব।