এক প্ৰেছ বিজ্ঞপ্তিত মন্ত্রী বড়াই কয় যে এক বিৰল প্ৰতিভাৰ অধিকাৰী সংগীত শিল্পী, চলচ্চিত্র পৰিচালক, অভিনেতা, প্ৰকৃতি প্ৰেমী জুবিন গাৰ্গৰ অকাল বিয়োগ অসমৰ জাতীয় জীৱনৰ বাবে এক অপূৰণীয় ক্ষতি।
হেজাৰ হেজাৰ গীত লিখি, সুৰাৰোপ কৰাৰ লগতে কণ্ঠদান কৰি বিগত তিনি দশকৰো অধিক কাল ধৰি অসমৰ জনগণক মোহাচ্ছন্ন কৰি ৰখা জুবিন গাৰ্গে সদায় আৰ্তজনৰ কাষত থিয় দিছিল বুলি উল্লেখ কৰি মন্ত্রী বড়াই বিবৃতিটোত কয় যে শিল্পী গৰাকীয়ে অসমীয়া চলচ্চিত্ৰৰ বাণিজ্যিক দিশৰ উন্নয়নৰ বাবেও যথেষ্ট কৰি গ’ল।
