ডিব্ৰুগড় প্ৰেছ ক্লাবৰ “আমাৰ আলহী” অধ্যায় – ২ আয়োজন
২৭ জুলাইত ডিব্ৰুগড়ৰ চৌকিডিঙীস্থিত জাগৃতি হলত অনুষ্ঠান
উপস্থিত থাকিব ভাৰতীয় বায়ু সেনাৰ যুদ্ধবিমান পাইলট গ্ৰুপ কেপ্তেইন (অৱঃ) মহন্ত পাংগিং পাও
চাইন অন ডেস্ক:
ডিব্ৰুগড় প্ৰেছ ক্লাবে ২৭ জুলাইত দুপৰীয়া ৩ বজাৰ পৰা ডিব্ৰুগড়ৰ চৌকিডিঙীস্থিত জাগৃতি হলত (DRDA কমপ্লেক্স) ‘আমাৰ আলহী’ – অধ্যায় – ২ আয়োজন কৰিছে। ডিব্ৰুগড় প্ৰেছ ক্লাবৰ সাধাৰণ সম্পাদক ৰিপুঞ্জয় দাসে প্ৰকাশ কৰা এক সংবাদ বিজ্ঞপ্তি অনুসৰি, ভাৰতীয় বায়ু সেনাৰ (IAF) যুদ্ধবিমান পাইলট গ্ৰুপ কেপ্তেইন (অৱঃ) মহন্ত পাংগিং পাওৱে “উত্তৰ পূব ভাৰতৰ পটভূমি আৰু ভাৰতৰ সামৰিক প্ৰস্তুতি ( Strategic Importance and Scenario of North East India)” বিষয়ত পাৱাৰ পইণ্ট প্ৰেজেণ্টেচনৰ জৰিয়তে বক্তৃতা প্ৰদান কৰিব।
তাৰ পিছত আধা ঘণ্টা সময় আলোচনাৰ বাবে ৰখা হৈছে বুলি দাসে জনাইছে।
গ্ৰুপ কেপ্তেইন মহন্ত পাংগিং পাও, বায়ু সেনা পদক (অৱসৰপ্ৰাপ্ত) প্ৰাক্তন যুদ্ধবিমান পাইলট; ভাৰতীয় বায়ু সেনাত যুদ্ধবিমান পাইলট হিচাপে ২৫ বছৰ সেৱা আগবঢ়াইছে। ৩৫০০ ঘণ্টাতকৈ অধিক যুদ্ধবিমান উৰুৱাৰ অভিজ্ঞতাৰে তেওঁ উত্তৰ-পূৰ্বৰ প্ৰথমজন ব্যক্তি যিয়ে সুখ’ই-৩০ এমকেআই স্কোৱাড্ৰনৰ কমাণ্ড কৰিছে।তেওঁ কাৰগিল যুদ্ধৰ অভিযান, অপাৰেচন পৰাক্ৰম, আৰু আজমল কাছাবৰ মুম্বাই সন্ত্ৰাসবাদী আক্ৰমণৰ পিছত সন্ত্ৰাস বিৰোধী কাৰ্য্যকলাপত সক্ৰিয় অংশগ্ৰহণ কৰিছিল।
তেওঁ অৰুণাচল প্ৰদেশৰ পাচিঘাটত বাস কৰা এজন উদ্যোগী, সমাজকৰ্মী, স্তম্ভলেখক আৰু লেখক। তেওঁ বৰ্তমান অৰুণাচল প্ৰদেশত প্ৰথম যান্ত্ৰিক বস্ত্ৰ উদ্যোগ প্ৰতিষ্ঠা কৰিছে আৰু এলাম ইণ্ডাষ্ট্ৰিজ নামৰ ২টা বস্ত্ৰ কাৰখানা পৰিচালনা কৰি আছে।তেখেতৰ ২ খন কিতাপ প্ৰকাশ পাইছে (কীৰুক আৰু উত্তৰ-পূৰ্ব ভাৰতৰ অন্যান্য কাহিনী) আৰু (ফ্লাইটছ অৱ ফেণ্টাচি: আবু তানিৰ স্পীকিং ট্ৰি, হিৰ’জ অৱ ১৯৬২ চীন-ভাৰত যুদ্ধ)। তেওঁ নৰ্থ ইষ্ট ক্ৰনিকল আৰু অৰুণ চেতনাৰো সম্পাদক।
ডিব্ৰুগড় প্ৰেছ ক্লাবে সকলোকে এই অনুষ্ঠানত উপস্থিত থাকিবলৈ তথা আলোচনাত অংশগ্ৰহণ কৰিবলৈ আন্তৰিক আমন্ত্ৰণ জনাইছে।