দছেৰাৰ অনুষ্ঠানত ক’কৰোেচলৈ কটাক্ষ আৰএছএছ প্ৰধানৰ
ভাৰতত চৰকাৰৰ পতন ঘটাব নোৱাৰিবঃ ভাগৱত
নতুন দিল্লী:
বাংলাদেশ, নেপালৰ আৰ্হিৰে ভাৰততো চৰকাৰৰ পতন ঘটোৱাৰ চেষ্টা চলিছে। মহানৱমীৰ দিনা পুৱা এই মন্তব্য আৰএছএছৰ মুৰব্বী মোহন ভাগৱতৰ। প্ৰতিবাৰৰ দৰে এইবাৰো দছেৰাৰ অনুষ্ঠানত ভাষণ দিছিল তেওঁ মঙলবাৰে। তাত বিশ্বৰ বিভিন্ন প্ৰান্তৰ বিক্ষোভৰ প্ৰসংগও তেওঁ তুলি ধৰে। তেওঁ স্পষ্ট কৰি দিয়ে যে আন দেশত যিয়েই নঘটক কিয় ভাৰতত চৰকাৰৰ পতন ঘটোৱাৰ পৰিকল্পনা সফল নহ’ব। লগতে ভাগৱতে সোঁৱৰাই দিয়ে যে প্রতিবাদৰো নিশ্চয় দৰকাৰ আছে। নাগপুৰত আৰএছএছৰ বিজয়া দশমী উদ্যাপনত ভাগৱতে
কয়- ‘আসুৰিক শক্তিসমূহে সকলো সময়তে পৰিকল্পনা কৰে যে কিদৰে ভাৰত, হিন্দু আৰু সংঘক ছত্রভংগ কৰিব পৰা যায়। চকু মেলি চাওক ফ্রান্স, আলবেনিয়া, নেপাল, বাংলাদেশত কি ঘটিছে। সেই একেই ষড়যন্ত্র চলিছে ভাৰততো। কিন্তু চৰকাৰৰ পতন ঘটোৱাৰ পৰিকল্পনা ভাৰতত সফল নহ’ব। কাৰণ ভাৰত এতিয়া শক্তিশালী হৈ আগুৱাই গৈছে। তেওঁলোকে ভাবে চৰকাৰৰ পতন ঘটিলেই অৱস্থাৰ উন্নতি হ’ব। কিন্তু তেনে অতীতত কেতিয়াও হোৱা নাই আৰু আজিও নহ’ব।’ উল্লেখ্য যে আইছা নেত্রী নেহা বৰাই স্পষ্টকৈ জনাইছিল যে বাংলাদেশৰ ছাত্ৰ বিক্ষোভেই তেওঁলোকৰ
অনুপ্ৰেৰণা। আইনজীবী প্রশান্ত ভূষণেও ‘ৰেজিম চেঞ্জ’ বিচাৰিছে। ভাগৱতে কয়- ‘গণতন্ত্রত প্ৰতিবাদৰ দৰকাৰ আছে। কিন্তু তাৰ উদ্দেশ্য। ৰাজনৈতিক বা ভোটৰ বাকচ হোৱা উচিত নহয়।’