ৱৰ্ল্ড চেম্পিয়নশ্বিপ অৱ লিজেণ্ডছৰ পৰা বাহিৰ ধাৱন বাহিনী
পাকিস্তানৰে ছেমিত ভাগ নল’লে ইণ্ডিয়া চেম্পিয়নে
লণ্ডন:
পাকিস্তানৰ সৈতে ছেমিফাইনেল নেখেলাৰ সিদ্ধান্ত গ্ৰহণৰ পাছত ইণ্ডিয়া চেম্পিয়নে আনুষ্ঠানিকভাৱে নিজৰ নাম প্রত্যাহাৰ কৰিছে বৰ্ল্ড চেম্পিয়নশ্বিপ অব লিজেণ্ডছৰ পৰা। পাকিস্তানৰ বিৰুদ্ধে খেলিবলৈ অস্বীকাৰ কৰাৰ পিছত এই সিদ্ধান্ত লোৱা হৈছে। ভাৰতে ইতিমধ্যে স্পষ্ট কৰি দিছিল যে এই প্রতিযোগিতাত পাকিস্তানৰ বিৰুদ্ধে কোনো মেচ নেখেলে।
ইয়াৰ পূর্বে লীগ পৰ্যায়ত ভাৰত-পাকিস্তানৰ খেলখন বাতিল কৰা হৈছিল আৰু এতিয়া ছেমিফাইনেলৰ পূৰ্বেও ভাৰতীয় দলটোৱে পাকিস্তানৰ বিৰুদ্ধে নেখেলাৰ সিদ্ধান্ত লৈছিল। যাৰ বাবে প্রতিযোগিতাখনৰ বাহিৰ হৈছে ভাৰত।
চলিত বৰ্ষৰ এপ্রিল মাহত পেহেলগামত সংঘটিত সন্ত্রাসবাদী আক্ৰমণৰ পিছত ভাৰত আৰুপাকিস্তানৰ মাজত উত্তেজনা বৃদ্ধি পাইছে। যাৰ বাবে ভাৰতীয় খেলুৱৈৰ তীব্ৰ বিৰোধিতাৰ পিছত লীগ পর্যায়ত ভাৰত-পাকিস্তানৰ খেল বাতিল কৰাৰ সিদ্ধান্ত লোৱা হয়। সুৰেশ ৰাইনা আৰু শিখৰ ধাৱনৰ দৰে প্ৰাক্তন ভাৰতীয় ক্রিকেটাৰসকলে এই মেচত অংশগ্রহণ নকৰাৰ কথা স্পষ্টকৈ কৈছিল।
ছেমিফাইনেল খেলৰ পূৰ্বেও একেধৰণৰ বিৰোধ দেখা গৈছিল।খবৰ অনুসৰি ভাৰতে ৱৰ্ল্ড চেম্পিয়নশ্বিপ অৱ লিজেণ্ডছৰ পৰা আঁতৰি আহিছে। এনে পৰিস্থিতিত পাকিস্তানে এতিয়া পোনপটীয়াকৈ প্রতিযোগিতাখনৰ ফাইনেলত প্ৰৱেশ কৰিছে।
উল্লেখ্য যে, ২০ জুলাইত বিশ্ব চেম্পিয়নশ্বিপ অৱ লিজেণ্ডছৰ লীগ পৰ্যায়ত ভাৰত আৰু পাকিস্তানৰ মাজত এখন মেচ অনুষ্ঠিত হোৱাৰ কথা আছিল। কিন্তু খেলুৱৈসকলে অনুৰাগীৰ চোকা প্রতিক্ৰিয়াৰ সন্মুখীন হ’বলগীয়া হৈছিল। ইয়াৰ পিছত ভাৰতীয় খেলুৱৈসকলে এই মেচত খেলিবলৈ অস্বীকাৰ কৰি খেলখন বাতিল কৰে।কালি দুয়োটা দলৰ মাজত ছেমিফাইনেলখন অনুষ্ঠিত হোৱাৰ কথা আছিল। কিন্তু ভাৰতীয় খেলুৱৈসকলে নিজৰ
চিৰপ্ৰতিদ্বন্দ্বী দলটোৰ সৈতে কোনো প্রতিযোগিতামূলক মেচত অংশগ্ৰহণ নকৰাৰ নীতি অক্ষুণ্ণ ৰখাৰ সিদ্ধান্ত লয়।
এ
ইটো বিশ্ব চেম্পিয়নশ্বিপ অৱ লিজেণ্ডছৰ দ্বিতীয় ছিজন। প্রথম ছিজনটো আছিল ইণ্ডিয়া চেম্পিয়নৰ নামত। ইণ্ডিয়া চেম্পিয়নে পাকিস্তানক ৫ উইকেটত পৰাস্ত কৰি ফাইনেলত জয়লাভ কৰে। এইবাৰো ভাৰতে ছেমিফাইনেলত প্ৰৱেশ কৰিবলৈ সক্ষম হয়। কিন্তু পাকিস্তানৰ সৈতে খেলিবলৈ অমান্তি হোৱাৰ পৰিপ্ৰেক্ষিতত প্রতিযোগিতাখনৰ পৰা আঁতৰি যায়।