গৰু সৰবৰাহৰ ‘গোপন পথ’ত আৰক্ষীৰ চোকা নজৰ!
সামাজিক মাধ্যমত অবৈধ গো-সৰবৰাহকাৰী চক্ৰক সকিয়নী মুখ্যমন্ত্ৰী ডঃ হিমন্ত বিশ্ব শৰ্মাৰ
ধুবুৰী,১০ছেপ্টেম্বৰ:
কালিৰ দিনটোতেই গৰুৰ অবৈধ সৰবৰাহ আৰু চোৰাং ব্যৱসায়ৰ বিৰুদ্ধে অসম আৰক্ষীয়ে ৰাজ্যৰ বিভিন্ন প্ৰান্তত একাধিক অভিযান চলাই উল্লেখযোগ্য সফলতা লাভ কৰিছে। গোসাঁইগাঁও, গোলকগঞ্জ, গৌৰীপুৰ, ফকিৰগঞ্জ, ধুবুৰী থানাৰ আৰক্ষীৰ দলে নিৰ্ভৰযোগ্য তথ্যৰ ভিত্তিত একাধিক অভিযান চলাই অবৈধভাৱে সৰবৰাহ কৰা ৪৬টা গৰু, ১৪টা ম’হ উদ্ধাৰ কৰাৰ লগতে 
৭২.৫ কিল’গ্ৰাম গো-মাংস জব্দ কৰাৰ সমান্তৰালকৈ অভিযানকালত ৪ চোৰাং ব্যৱসায়ীক আটক কৰা হৈছে। নিজৰ সামাজিক মাধ্যম যোগে এয়া সদৰি কৰিছে মুখ্যমন্ত্ৰী ডঃ হিমন্ত বিশ্ব শৰ্মাই। মুখ্যমন্ত্ৰী গৰাকীয়ে অনাগত দিনতো অবৈধ গৰু সৰবৰাহ আৰু চোৰাং ব্যৱসায়ৰ বিৰুদ্ধে অসম আৰক্ষীৰ
অভিযান অব্যাহত থাকিব বুলিও জনাইছে। মুখ্যমন্ত্ৰী ডঃ শৰ্মাৰ অবৈধ গো-সৰবৰাহকাৰী চক্ৰক সকিয়নী -গৰু সৰবৰাহৰ ‘গোপন পথ’ত আৰক্ষীৰ চোকা নজৰ!