ডিব্ৰুগড় বিশ্ববিদ্যালয়ৰ আছু গোটৰ উদ্যোগ
ভোলানাথ কলাক্ষেত্ৰৰ সহযোগত সত্ৰীয়া নৃত্য আৰু অংকীয়া নাটৰ কৰ্মশালা
চাইন অন ডেস্ক,১৮জুলাই:
ডিব্ৰুগড় বিশ্ববিদ্যালয়ৰ আছু গোটৰ উদ্যোগত আৰু ভোলানাথ কলাক্ষেত্ৰৰ সহযোগত সত্ৰীয়া নৃত্য আৰু অংকীয়া নাটৰ কৰ্মশালা। কৰ্মশালাত অংশগ্ৰহণ কৰা শিক্ষাৰ্থীসকলৰ অংকীয়া নাট ‘কেলি গোপাল’ মঞ্চস্থ। নাটখনৰ মনোমোহা অভিনয়, সংগীত আৰু পৰম্পৰাগত উপস্থাপনে উপস্থিত দৰ্শকক আপ্লুত কৰি তোলে।
কৰ্মশালাৰ জৰিয়তে নতুন প্ৰজন্মক সত্ৰীয়া নৃত্য, অংকীয়া নাট আৰু অসমৰ সমৃদ্ধ সাংস্কৃতিক ঐতিহ্যৰ সৈতে অধিক পৰিচিত কৰাৰ লক্ষ্যৰে এই কাৰ্যসূচী ৰূপায়ণ কৰা হয়। অনুষ্ঠানত বিশ্ববিদ্যালয়ৰ শিক্ষক-শিক্ষয়িত্ৰী, শিক্ষাৰ্থী, সাংস্কৃতিক কৰ্মী আৰু বহু সংখ্যক দৰ্শকে উপস্থিত থাকি শিল্পীসকলক উৎসাহ যোগায়। কৰ্মশালাৰ
সামৰণি অনুষ্ঠানৰ জৰিয়তে অসমৰ বৈষ্ণৱ সংস্কৃতি সংৰক্ষণ আৰু নতুন প্ৰজন্মৰ মাজত ইয়াৰ প্ৰতি আগ্ৰহ বৃদ্ধি কৰাৰ বাবে আহ্বান জনোৱা হয়।