প্ৰচণ্ড ধুমুহা-বৰষুণৰ কৱলত যাত্ৰীবাহী নাও
হাটশিঙিমাৰীৰ পৰা ধুবুৰী অভিমুখী নাও
ডেৰ শতাধিক যাত্ৰীৰ কথমপি প্ৰাণ ৰক্ষা
ধুবুৰী, ২৫ এপ্ৰিল:
আজি কথমপি বৃহৎ এক দুৰ্ঘটনাৰ পৰা ৰক্ষা পৰে মানকাচৰৰ হাটশিঙিমাৰীৰ পৰা ধুবুৰী অভিমুখে বৰলুইতেৰে যাত্ৰা কৰা এখন লেছি চালিত যাত্ৰীবাহী লঞ্চ। জানিব পৰা মতে,যাত্ৰা আৰম্ভ কৰাৰ সময়ত প্ৰচণ্ড ধুমুহা-বৰষুণৰ সন্মুখীন হয় 
লঞ্চখন। কিন্তু, সৌভাগ্যবশত পাৰৰ পৰা নতী দূৰত থকা বাবে ভয়ংকৰ এক বিপদৰ পৰা ৰক্ষা পৰে আনুমানিক প্ৰায় ১৫০ যাত্ৰী। উল্লেখ্য যে, লঞ্চখনত যাত্ৰী অনুপাতে লাইফ জেকেট নথকাৰো অভিযোগ উঠা পোৱা গৈছে। ফলত স্বাভাবিক ভাবেই এতিয়া ২০১২ বৰ্ষৰ এই এপ্ৰিল মাহৰেই ৩০ তাৰিখে সংঘটিত হোৱা শোকাবহ মেদেৰটাৰী লঞ্চ দুৰ্ঘটনাৰ পৰা প্ৰশাসন আৰু আভ্যন্তৰীণ জল
পৰিবহন বিভাগে কোনো ধৰণৰ শিক্ষা লোৱা নাই বুলি উত্থাপিত হৈছে এক প্ৰশ্নৰ।