ডিব্ৰুগড়ৰ মোহনবাৰীত বিজয় দিৱসৰ এয়াৰ শ্ব’
অংশ গ্ৰহণ এয়াৰ চিফ মাৰ্শ্বালৰ
চাইন অন ডেস্ক:
দেশত কোনো ধৰণৰ যুদ্ধ হ’লে, বিশেষকৈ ভাৰতীয় বায়ুসেনাই দুটা ফ্ৰণ্টৰ যুদ্ধ কৰিবলৈ সম্পূৰ্ণৰূপে সাজু।বুধবাৰে ডিব্ৰুগড়ৰ মোহনবাৰীস্থিত আই এ এফ ষ্টেচনত সংবাদ মাধ্যমৰ বাৰ্তালাপত ভাৰতীয় বায়ুসেনাৰ মুৰব্বী এয়াৰ চিফ মাৰ্শ্বেল অমৰ প্ৰীত সিঙে এই কথা প্ৰকাশ কৰে। ১৯৭১ চনৰ ভাৰত-পাক যুদ্ধৰ সময়ত পাকিস্তানৰ বিৰুদ্ধে
ভাৰতৰ দৰ্শনীয় জয়ৰ উপলক্ষে বিজয় দিৱসৰ অনুষ্ঠানত অংশগ্ৰহণ কৰিবলৈ মোহনবাৰীত উপস্থিত হয় আই এ এফৰ মুৰব্বীগৰাকী।তেওঁ কয় যে আমি,আমাৰ শত্ৰু দেশ সমূহক উচিত শিকনি দিবলৈ সম্পূৰ্ণৰূপে সাজু।
ইয়াৰ পূৰ্বে ডিব্ৰুগড়ৰ বায়ুসেনা ষ্টেচন মোহনবাৰীত বুধবাৰে বিজয় দিৱস উদযাপনৰ অংশ হিচাপে ভাৰতীয় বায়ুসেনাই ১৯৭১ চনৰ ঐতিহাসিক যুদ্ধ বিজয়ৰ স্মৃতি সফলতাৰে স্মৰণ কৰে।
মুখ্য কাৰ্যালয় ইষ্টাৰ্ণ এয়াৰ কমাণ্ডে আয়োজন কৰা দিনজোৰা কাৰ্যসূচীৰ উদযাপনে সামৰিক আৰু অসামৰিক গণ্যমান্য ব্যক্তি, বিমানৰ প্ৰবীণ সৈনিক, শ শ উৎসাহী স্কুলীয়া ছাত্ৰ-ছাত্ৰীকে ধৰি এক বৃহৎ সংখ্যক দৰ্শকে অংশ গ্ৰহণ কৰে।আজি ভাৰতীয় বায়ুসেনাৰ উৰণ প্ৰদৰ্শনত বহুসংখ্যক শক্তিশালী যুজাৰু বিমান আছিল।য’ত আছিল শক্তিশালী চুখয় ছু-৩০ যুঁজাৰু বিমান, ডৰ্নিয়াৰ ড’-২২৮ বিমান, এণ্টনভ এন-৩২ পৰিবহণ বিমান, আৰু চিনুক হেভি-লিফ্ট আৰু মি-১৭ হেলিকপ্টাৰ।
ডিব্ৰুগড়ৰ মোহনবাৰী বিমানবন্দৰত পুৱা ৯ বজাৰ পৰা দুপৰীয়া ২.৩০ বজালৈ চলি থকা এই আকাশী প্ৰদৰ্শনে ভাৰতীয় বায়ুসেনাৰ কাৰ্যকৰী দক্ষতাৰ প্ৰমাণ দিছিল।হাই-অক্টেন উৰণৰ উপৰিও এই অনুষ্ঠানত এখন প্ৰদৰ্শনী আৰু বিশেষ চিনেমা দৰ্শনৰ ব্যৱস্থা কৰা হৈছিল।য’ত, ১৯৭১ চনৰ যুদ্ধ অৰ্থাত বাংলাদেশৰ মুক্তিৰ স্মৃতিত উৎসৰ্গিত আছিল।ইষ্টাৰ্ণ এয়াৰ কমাণ্ডৰে ব্যক্ত কৰে যে, এই স্মৃতিচাৰণৰ এক গভীৰ তাৎপৰ্য আছে।যি নেকি মোহনবাৰীৰ দৰে বিমান ঘাটিৰ পৰা বিমান অভিযান চলাইছিল।যাতে আকাশ মাৰ্গৰ পৰা স্থল সেনাক নিৰ্ণায়কভাৱে সহায় কৰিব পাৰে।
এয়াৰ চিফ মাৰ্শ্বাল অমৰ প্ৰীত সিঙে এই গুৰুত্বপূৰ্ণ যুদ্ধৰ সময়ত আই এ এফৰ অৱদানৰ বিষয়ে উষ্মভাৱে স্মৰণ কৰি যৌথ কৰ্মৰ গুৰুত্বপূৰ্ণ দিশৰ ওপৰত আলোকপাত কৰি কয়—‘সেই সময়ৰ স্মৃতিবোৰ শ্বেয়াৰ কৰি মই অতি সুখী।ভাৰতীয় বায়ুসেনাই যিদৰে শিলৰ দৰে থিয় হৈ সকলো প্ৰতিৰোধ ওফৰাই পেলাইছিল।সেয়া আছিল নৱেম্বৰ মাহ।দিনৰ অভিযানৰ সময়ত হওক, আকাশত দ্ৰুত যুদ্ধবিৰতি হওক বা মূখ্যম আঘাত। বাংলাদেশৰ গৱৰ্ণৰ হাউছত আক্ৰমণৰ পিছত নিৰ্ণায়কভাৱে যুদ্ধৰ অন্ত পেলাইছিল।অৱশেষত তীব্ৰ হেঁচাত পৰি যুদ্ধবিৰতিৰ আহ্বান জনাবলৈও বাধ্য হৈছিল।’সেৱাসমূহৰ মাজত থকা অপৰিহাৰ্য সমন্বয়ৰ ওপৰত আলোকপাত আগবঢ়াই তেওঁ পুনৰাই কয়- ‘এই অভিযান ভাৰতীয় বায়ুসেনাৰ বাবে ডাঙৰ সফলতাই নহয়, যৌথ কৰ্মৰ বাবেও এক ডাঙৰ সফলতাৰ কাহিনী আছিল।নদী পাৰ হোৱা বা এয়াৰ ড্ৰপৰ দৰে পৰিকল্পিত অভিযানসমূহ সেনা আৰু বায়ুসেনাৰ মাজত ঘনিষ্ঠ সমন্বয়ৰ অবিহনে সম্ভৱ নহ’লহেঁতেন। পশ্চিম খণ্ডত তিনিওখন সেৱাই একেলগে যি ধৰণে কাম কৰিছিল, নৌসেনাও অংশগ্ৰহণ কৰিছিল, ই আমাক যৌথ পৰিচালনাৰ এক অতি মূল্যৱান শিক্ষা শিকাইছিল—যে যৌথ অভিযানে সকলো অসাধ্যকো সহজ কৰি বিজয় নিশ্চিত কৰিব পাৰে।তেখেতে লগতে কয় যে ভাৰতীয় বায়ুসেনাই সেই পাঠসমূহৰ ওপৰত ভিত্তি কৰি নিজকে প্ৰশিক্ষণ আৰু সজ্জিত কৰি ৰাখিছে।
