অৱশেষত শুভাংশু শুক্লা মহাকাশলৈ
এক্সিয়াম-৪ অভিযান:আন্তঃৰাষ্ট্ৰীয় মহাকাশ কেন্দ্ৰ (আই এছ এছ)
চাইন অন ডেস্ক:
এক্সিয়াম-৪ মিছন উৎক্ষেপণৰ ফলত শুভাংশু শুক্লাই আই এছ এছৰ বাবে মহাকাশলৈ যোৱা প্ৰথমজন ভাৰতীয় মহাকাশচাৰী আৰু ইতিহাসত মহাকাশ ভ্ৰমণ কৰা মাত্ৰ দ্বিতীয়জন ভাৰতীয় হিচাপে পৰিগণিত হৈছে।
ফ্ল’ৰিডাৰ নাছাৰ কেনেডি স্পেচ চেণ্টাৰৰ পৰা দিনৰ ১২:০১ বজাত উৰা মৰা এই অভিযানত চাৰিখন দেশ – ভাৰত, আমেৰিকা, পোলেণ্ড, আৰু হাংগেৰীৰ মহাকাশচাৰীয়ে অংশগ্ৰহণ কৰিছে।
মহাকাশত শুভাংশু শুক্লা
উত্তৰ প্ৰদেশৰ লক্ষ্ণৌৰ বাসিন্দা শুভাংশু শুক্লাক এই বাণিজ্যিক মহাকাশ যাত্ৰাৰ বাবে এক্সিয়াম স্পেছে নাছাৰ প্ৰবীণ মহাকাশচাৰী পেগী হুইটছন, পোলেণ্ডৰ স্লাওছজ উজনানস্কি-উজনিভস্কি আৰু হাংগেৰীৰ টিবৰ কাপুৰ সৈতে নিৰ্বাচিত কৰিছিল।
আই এ এফে এই মাইলৰ খুঁটিটোক প্ৰশংসা কৰি ভাৰতৰ “নিত্য সম্প্ৰসাৰিত দিগন্ত”ৰ পুনৰ দৃঢ়তা আৰু ১৯৮৪ চনত উইং কমাণ্ডাৰ ৰাকেশ শৰ্মাই আৰম্ভ কৰা উত্তৰাধিকাৰৰ গৌৰৱময় ধাৰাবাহিকতা বুলি অভিহিত কৰে।
ছ’চিয়েল মিডিয়া প্লেটফৰ্ম এক্সত আই এ এফে প্ৰকাশ কৰা এটা পোষ্টত কয় যে আকাশ জয় কৰাৰ পৰা তৰা স্পৰ্শ কৰালৈকে – আই এ এফ এয়াৰ ৱাৰিয়ৰৰ অদম্য মনোভাৱেৰে চালিত এক যাত্ৰা।