ভাৰতীয় ৰেডক্ৰছ চচাইটিৰ উদ্যোগত
ডিব্ৰুগড় দুৱৰা চুকৰ প্ৰগতি সংঘৰ প্ৰাঙ্গণত ৰক্তদান শিবিৰ
চাইন অন ডেস্ক:
ভাৰতীয় ৰেডক্ৰছ চচাইটি, ডিব্ৰুগড়ৰ উদ্যোগত মানৱসেৱাৰ মহান উদ্দেশ্য আগত ৰাখি আজি দুৱৰা চুক ৰুপনগৰ চেতিয়া চুকৰ প্ৰগতি সংঘৰ প্ৰাঙ্গণত এক স্বেচ্ছাসেৱী ৰক্তদান শিবিৰ সফলভাৱে অনুষ্ঠিত কৰা হয়।
পুৱা ১০ বজাৰ পৰা আৰম্ভ হোৱা কাৰ্যসূচীৰ আৰম্ভণিতে ৰেডক্ৰছ ছচাইটিৰ সম্পাদক অনুজ কুমাৰ বৰুৱাই সকলো উপস্থিত অতিথি আৰু অংশগ্ৰহণকাৰীসকলক উষ্ম অভিনন্দন জনায়। তেখেতে অনুষ্ঠানৰ সমল ব্যক্তি ডাঃ জাহ্নৱী চেতিয়া, অসম চিকিৎসা মহাবিদ্যালয়, ডিব্ৰুগড়ৰ চিকিৎসক বিষয়াক বিশেষ ভাৱে সম্বৰ্ধনা জ্ঞাপন কৰে।প্ৰগতি সঙ্ঘৰ তৰফৰ পৰাও ৰেডক্ৰছ ছচাইটিৰ সভাপতি ড: পঙ্কজ কুমাৰ শ্ৰুতিকৰ ও সম্পাদক 
অনুজ কুমাৰ বৰুৱা তথা অসম চিকিৎসা মহাবিদ্যালয়ৰ পৰা অহা চিকিৎসক বিষয়া ডাঃ জাহ্নৱী চেতিয়া আৰু ডা: জয়শ্ৰী বৰাক বিশেষভাৱে সম্বৰ্ধনা জনোৱা হয়।তাৰ পিছত ভাৰতীয় ৰেডক্ৰছ চচাইটি, ডিব্ৰুগড় জিলা শাখাৰ অধ্যক্ষ ড: পঙ্কজ কুমাৰ শ্ৰুতিকৰে এটি প্ৰাৰম্ভিক ভাষণ আগবঢ়ায়। তেখেতে ৰক্তদানৰ গুৰুত্ব আৰু সমাজৰ বাবে ইয়াৰ প্ৰাসংগিকতা সম্পৰ্কে বিশদভাৱে আলোকপাত কৰে।ইয়াৰ পিছতে চিকিৎসক বিষয়া ডাঃ জাহ্নৱী চেতিয়াই ৰক্তদানৰ ওপৰত এক তথ্যসমৃদ্ধ বক্তব্য আগবঢ়ায়। 
তেখেতে ৰক্তদানৰ চিকিৎসা দিশ, সুৰক্ষা ব্যৱস্থা আৰু ব্যক্তিগত আৰু সামাজিক উপকাৰিতাৰ বিষয়ে বৰ্ণনা কৰি সকলোকে অনুপ্ৰাণিত কৰে।পিছত ৰেড ক্ৰছ চ’চাইটিৰ সক্ৰিয় সদস্য কৃপাল কুমাৰ ফুকনে শিবিৰ আনুষ্ঠানিকভাৱে উদ্বোধন কৰে। তেখেতে এই উদ্যোগৰ শলাগ লৈ যুৱসমাজক এনে মানৱসেৱামূলক কামত আগবাঢ়ি আহিবলৈ আহ্বান 
জনায়।এই শিবিৰত প্ৰায় ২৫ জন পুৰুষে স্বেচ্ছাই ৰক্তদান কৰে।এই শিবিৰ দুপৰীয়া ২ বজালৈকে সফলভাৱে সম্পন্ন হয়।
প্ৰতিগৰাকী স্বেচ্ছাসেৱী ৰক্ত দাতাক অসম চিকিৎসা মহাবিদ্যালয়, ডিব্ৰুগড় তৰফৰ পৰা (অসম চৰকাৰৰ) প্ৰমাণ পত্ৰ প্ৰদান কৰা হয় ।
এই কাৰ্যসূচীয়ে স্বেচ্ছাসেৱী ৰক্তদানৰ প্ৰতি জনসচেতনতা বৃদ্ধিৰ ক্ষেত্ৰত এক গুৰুত্বপূৰ্ণ পদক্ষেপ হিচাপে পৰিগণিত হৈছে আৰু ইয়াত অংশগ্ৰহণ কৰা সকলোৰে সমূহীয়া প্ৰচেষ্টাই 
মানৱসেৱাৰ এক উজ্জ্বল উদাহৰণ ডাঙি ধৰে। এই ৰক্ত দান শিবিৰ সুকলমে পৰিচালনা কৰাৰ বাবে ৰেডক্ৰছ ছচাইটিৰ সদস্য কৃপাল কুমাৰ ফুকন আৰু প্ৰগতি সংঘৰ সম্পাদক দিব্যজ্যোতি মহন ও উপদেষ্টা উপমা দুৱৰাক ৰেডক্ৰছ ছচাইটিৰ তৰফৰ পৰা আন্তৰিক কৃতজ্ঞতা জ্ঞাপন কৰা হয়।