নগৰবেৰাত গণৰাজ্য দিৱস উপলক্ষে বৃহৎ মটৰচাইকেল ৰেলী
কামৰূপ:
কামৰূপৰ বকো-ছয়গাওঁ সমষ্টিৰ অন্তৰ্গত নগৰবেৰা আৰক্ষী থানাৰ উদ্যোগত আৰু নগৰবেৰা ৰাজহ চক্ৰ বিষয়াৰ নেতৃত্বত লগতে গাঁওৰক্ষী বাহিনীৰ সহযোগত আজি এক বৃহৎ বাইক ৰেলী উলিওৱা হয়। ৭৭ সংখ্যক গণৰাজ্য দিৱস উপলক্ষে ৰাইজৰ মাজত সজাগতা সৃষ্টিৰ উদ্দেশ্যে উলিওৱা এই সজাগতা বাইক সমদলত আৰক্ষী, গাওঁৰক্ষী বাহিনী আৰু ৰাইজে অংশ গ্ৰহণ কৰে। সজাগতা ৰেলী নগৰবেৰা আৰক্ষী থানা চৌহদৰ পৰা ইয়াৰ অধীনস্থ মেধিপাৰা, পলাহৰটাৰী, নাইটৰ কল্যাণপুৰ, বিদ্যানগৰ, জামলাই, 
পিজুপাৰা আদি অঞ্চল পৰিভ্ৰমণ কৰি নগৰবেৰা উচ্চতৰ মাধ্যমিক বিদ্যালয়ত সামৰণি পৰে। উক্ত বাইক ৰেলীত নগৰবেৰা ৰাজহ চক্ৰ বিষয়া উৎপল কুমাৰ ডেকা,
নগৰবেৰা আৰক্ষী থানাৰ সহ উপ পৰিদৰ্শক অতুল ডেকা আৰু গাঁওৰক্ষী বাহিনীৰ সমন্বয়ক অভিজিত গগৈ,
নগৰবেৰা আঞ্চলিক মৌজা কমিটিৰ সভাপতি শ্যামাচৰণ ঠাকুৰীয়াৰ লগতে অন্যান্য কেবাগৰাকীও বিশিষ্ট ব্যক্তিয়ে অংশ গ্ৰহণ কৰে।