মই মুখ্যমন্ত্ৰী হোৱাৰ পৰা অসমৰ ভূমি নগাৰ হাতলৈ যোৱা নাই: ড° শর্মা
উৰিয়ামঘাটৰ উচ্ছেদৰ ফলত ১২ হাজাৰ সন্দেহযুক্তৰ নাম ভোটাৰ তালিকাৰ পৰা কৰ্তন
*গুৱাহাটী:*
চৰকাৰী আৰু বনভূমি বেদখলকাৰীৰ পৰা উচ্ছেদ কৰাই নহয়, বেদখলকাৰীৰ নাম ভোটাৰ তালিকাৰ পৰাও কৰ্তনৰ দৰে দৃঢ় পদক্ষেপ লৈছে বাজ্য চৰকাৰে। এই কথা পুনৰ স্পষ্ট
কৰিলে মুখ্যমন্ত্রী ড° হিমন্ত বিশ্ব শর্মাই। শেহতীয়াকৈ ডবকা আৰু বুঢ়াচাপৰিত চলা উচ্ছেদক লৈ বিৰোধীয়ে অনা বিভিন্ন অভিযোগৰ বিপৰীতে মুখ্যমন্ত্রী ড° শৰ্মাৰ স্পষ্ট মন্তব্য- বেদখলকাৰীৰ নাম ভোটাৰ তালিকাৰ পৰা কৰ্তন কৰি
একোটা সমষ্টিত খিলঞ্জীয়াৰ আধিপত্য সুৰক্ষিত কৰা হৈছে। উৰিয়ামঘাটত সম্পন্ন হোৱা উচ্ছেদৰ পাছত ১২ হাজাৰ সন্দেহযুক্ত লোকৰ নাম ভোটাৰ তালিকাৰ পৰা কর্তন হৈছে। এই লোকসকলে সৰুপথাৰ সমষ্টিৰ জয়-পৰাজয় নির্ধাৰণ কৰিলেহেঁতেন। এনেদৰে বেদখলকাৰীৰ নাম ভোটাৰ তালিকাৰ পৰা কৰ্তন কৰাৰ ফলত লাভবান হৈছে অসমীয়া লোকসকল। এই কথা আমি বিশেষভাবে মনত ৰখা জৰুৰী। মুখ্যমন্ত্রী ড° শৰ্মাই সৰুপথাৰত উচ্ছেদ সন্দর্ভত কয়-ইতিমধ্যে ডেৰ লাখ বিঘা ভূমি বেদখলকাৰীৰ পৰা উচ্ছেদ কৰা হৈছে। ৰাজ্যত মুঠ ২০ লাখ বিঘা ভূমি বেদখলকাৰীৰ কবলত আছে। চৰকাৰে লাহে লাহে উচ্ছেদ অভিযান চলাই ডেৰ লাখ বিঘা ভূমি উদ্ধাৰ কৰিবলৈ সক্ষম হৈছে। ডবকাৰ পাছত তেজপুৰত চলা উচ্ছেদ অভিযান আগলৈ অব্যাহত থাকিব। পৰৱৰ্তী সময়ত গোৱালপাৰা, বৰপেটা আদি কৰি কেইবাখনো জিলাত চলোৱা হ’ব। যিহেতু আমাব হাতত আৰক্ষী পর্যাপ্ত পৰিমাণত নাই, গতিকে উচ্ছেদ একলেগে চলোৱা সম্ভৱ নহ’ব। এমাহত এখন বা দুখন জিলাতহে উচ্ছেদ চলোৱা সম্ভব। ইফালে, উচ্ছেদিত লোকক সংস্থাপিত কৰাৰ প্ৰসংগত মুখ্যমন্ত্রী ড’ শর্মাই কয় উচ্ছেদিত লোকসকলক সংস্থাপিত কৰাৰ প্ৰশ্নই নুঠে। চৰকাৰী ভূমি এতিয়ালৈ এনেধৰণৰ লোকক আবণ্টন দিয়া নাই। গৰুখুটিত চলা উচ্ছেদৰ পাছত উচ্ছেদিত বহু লোক বিভিন্ন জিলাত গৈ বহি লৈছে। এই লোকসকল ভাৰতীয় নাগৰিক অথবা স্থায়ী বাসিন্দা বুলি যেতিয়ালৈ প্রমাণিত নহয়,
তেওঁলোকক ভূমি আবণ্টন দিয়া নহয়। নাগৰিকত্বৰ প্ৰক্ৰিয়া সম্পূর্ণ নোহোৱালৈকে কোনো উচ্ছেদিত লোকক মাটিৰ আবণ্টন দিয়া নহয়। ইফালে, উৰিয়ামঘাটত নগাই চলোৱা আগ্রাসনৰ প্ৰসংগত মুখ্যমন্ত্রী ড° শর্মাই কয়- মিঞাৰ আগ্রাসনক নগাৰ আগ্রাসনৰ লগত তুলনা কৰিব নোৱাৰি। মিঞা মিঞাই। নগা লোকসকল আহিলে সংবিধান আছে, আমি তেওঁলোকৰ লগত কথা পাতিব পাৰোঁ। অসমৰ 
কোনো ভূমি মোৰ দিনত নগাৰ দখললৈ যোৱা নাই আৰু আগলৈও লৈ নাযায়। সেয়া আমাৰ বুজাবুজি আছে। নাগালেণ্ডৰ মুখ্যমন্ত্রী নেফিউ বিঅ’ৰ সৈতে আমাৰ আলোচনা চলি আছে। তেওঁৰ সৈতে এদিন উৰিয়ামঘাটলৈ আহি গছপুলিসমূহ ৰোপণৰ ব্যৱস্থা কৰা হ’ব। ইয়াত কোনো বিতর্ক নাই। ইফালে, নগাই ঘৰ জ্বলোৱা প্রসংগত মুখ্যমন্ত্রী ড° শর্মাই কয়- নগাই কাৰ ঘৰ জ্বলাইছে ? কোনো অসমীয়া লোকৰ ঘৰ নগাই জ্বলোৱা নাই। যদি অসমীয়াৰ ঘৰ জ্বলালে হয়, মই লগত আছোঁ- মুখ্যমন্ত্ৰীয়ে উল্লেখ কৰে।