৫ জানুৱাৰীৰ পৰা ঢকুৱাখনাত গ্ৰন্থমেলা

৫ জানুৱাৰীৰ পৰা ঢকুৱাখনাত গ্ৰন্থমেলা

ছয় দিনীয়া বৰ্ণাঢ্য কাৰ্য্যসূচীৰে ষষ্ঠ ঢকুৱাখনা গ্ৰন্থমেলা

*ঢকুৱাখনা:*

পাচ জানুৱাৰীৰ পৰা ছয় দিনীয়াকৈ অনুষ্ঠিত হ’ব ষষ্ঠ ঢকুৱাখনা গ্ৰন্থমেলা। ঢকুৱাখনা ৰাজহুৱা খেলপথাৰৰ পৰিৱৰ্তে এইবেলি নৱ নিৰ্মিত দিবা-নৈশ বাছ আস্থানলৈ এই গ্ৰন্থমেলা স্থানান্তৰিত কৰা হৈছে।
১০ জানুৱাৰীলৈ চলিবলগীয়া এইবাৰৰ ঢকুৱাখনা গ্ৰন্থমেলাত অসম তথা উত্তৰ পূৰ্বাঞ্চলৰ কেইবাটাও আগশাৰীৰ পুথি প্রকাশক আৰু বিক্রেতা প্রতিষ্ঠানে ভাগ ল’ব বুলি গ্ৰন্থমেলাৰ সভাপতি ড° গিৰীণ গগৈয়ে জানিবলৈ দিছে।
গ্ৰন্থমেলাৰ প্ৰতিটো দিনতে ঢকুৱাখনা সমজিলাৰ অন্তৰ্গত শিক্ষানুষ্ঠন সমূহৰ শিক্ষাৰ্থীসকলৰ মাজত সাহিত্য প্ৰতিযোগিতা,চিত্ৰ প্ৰদৰ্শনী, সাংস্কৃতিক অনুষ্ঠান,লেখক-সাহিত্যক আৰু সমাজৰ বিভিন্ন ক্ষেত্ৰৰ প্ৰতিষ্ঠিত ব্যক্তিৰ উপস্থিতিত আলোচনা চক্ৰ আৰু মুখামুখি অনুষ্ঠান অনুষ্ঠিত হ’ব। কাইলৈ দুপৰীয়া
ষষ্ঠ ঢকুৱাখনা গ্ৰন্থমেলাৰ দ্বাৰ মুকলি কৰিব ঢকুৱাখনা সমজিলাৰ আয়ুক্ত অপূৰ্ব কুমাৰ নাথ।বিয়লি ২ বজাত সাধু কোৱা প্ৰতিযোগিতা উদ্ধোধন কৰিব লেখিকা নিবেদিতা লাগাচুয়ে।বিয়লি ৪.৩০ বজাৰ অনুষ্ঠিত হ’বলগীয়া সাংস্কৃতিক অনুষ্ঠানত ঢকুৱাখনা সমজিলাৰ অন্তৰ্গত কেবাখনো শিক্ষানুষ্ঠানৰ শিক্ষাৰ্থীসকলে
সাংস্কৃতিক অনুষ্ঠান পৰিবেশন কৰিব।ষষ্ঠ ঢকুৱাখনা গ্ৰন্থমেলাৰ প্ৰতিটো কাৰ্যসূচীত
ঢকুৱাখনাবাসী ৰাইজৰ সহায়-সহযোগিতা কামনা কৰিছে আয়োজক সমিতিয়ে।