ডিব্ৰুগড় জিলা দবা সন্থাৰ সোণালী জয়ন্তী বৰ্ষৰ সামৰণি অনুষ্ঠান
বৃক্ষ ৰোপণ আৰু ৫০খন পতাকা উত্তোলনেৰে শুভাৰম্ভ
চাইন অন ডেস্ক:
ডিব্ৰুগড় জিলা দবা সন্থাৰ সোণালী জয়ন্তী বৰ্ষৰ সামৰণি অনুষ্ঠানৰ ছয় দিনীয়া কাৰ্যসূচীৰ কালি প্ৰথম দিনত বৃক্ষ ৰোপন কৰে প্ৰকৃতি প্ৰেমী নবীন বৰুৱা আৰু অন্যান্য বিষ়ববীয়াসকল। ইয়াৰ পিছতে ৫০ খন পতাকা উত্তোলন কৰে উদ্যোক্তা সকলৰ লগতে চহৰৰ বিশিষ্ট অতিথি সকলে। ডিব্ৰুগড় হনুমান বক্স সূৰজমল কানৈ মহাবিদ্যালয়ত অনুষ্ঠিত হোৱা অনুষ্ঠানত পুৱা ৯-৪৫ বজাত কুইজ প্ৰতিযোগিতা অনুষ্ঠিত 
হয়। ইয়াত ডিব্ৰুগড় বিশ্ববিদ্যালয়ৰ কুইজ মাষ্টাৰ জিতু ৰঞ্জন চেতিয়াই আঁত ধৰে। মুকলি সভা অনুষ্ঠিত হয়।অনুষ্ঠানটি মুকলি কৰে দবা সন্থাৰ সভাপতি মনোজ কুমাৰ
গোহাঁইয়ে।মুকলি সভাত মুখ্য অতিথি তথা ক্ৰীড়া সমালোচক ডাঃ মৃগাংক শেখৰ চলিহা উপস্থিত থাকে। মুকলি সভাৰ পাছতে কুইজ প্ৰতিযোগিতাৰ প্ৰাইজ বিতৰণ কৰা হয়। এই অনুষ্ঠানতে আন্তঃৰাষ্ট্ৰীয় ৰেটিং টুৰ্ণামেণ্ট প্ৰতিযোগিতা আৰম্ভ হয় আৰু প্ৰতিযোগিতাখন উদ্বোধন কৰে কানৈ মহাবিদ্যালয়ৰ অধ্যক্ষ ড০ শশীকান্ত শইকীয়া আৰু ডাঃ মৃগাংক শেখৰ চলিহাই।উল্লেখযোগ্য যে ১৯৭৩ চনতে জন্ম লাভ কৰা ডিব্ৰুগড় জিলা দবা সন্থাই স্বকীয় পৰিচয় অক্ষুন্ন ৰাখি দবাৰ প্ৰসাৰ আৰু প্ৰচাৰৰ উত্তৰণৰ বাবে কাৰ্যপন্থা গ্ৰহণ কৰি ৫০ টা বসন্ত গৰকিলে। ২৫ ডিচেম্বৰৰ পৰা ৩০ ডিচেম্বৰলৈ উদযাপন কৰিবলগীয়া অনুষ্ঠানটি উঠি অহা নব প্ৰজন্মৰ বাবে এই কাৰ্য্যসূচী ৰূপায়ন কৰা হৈছে বুলি উদ্যোক্তা সমিতিৰ হৈ ডিব্ৰুগড় জিলা দবা সন্থাৰ সভাপতি মনোজ কুমাৰ গোহাঁই আৰু সম্পাদক মাণিক চন্দ্ৰ গগৈ আৰু লগতে সোণালী জয়ন্তী বৰ্ষৰ সামৰণি অনুষ্ঠানত উদযাপন সমিতিৰ হৈ সভাপতি ড০ শশীকান্ত শইকীয়া, 
কাৰ্য্যকৰী সভাপতি ডাঃ ইণ্টিকাবুৰ ৰহমান আৰু সম্পাদক জয়ন্ত গগৈয়ে জানিবলৈ দিয়ে।