তিনিদিনীয়া কাৰ্যসূচীলৈ ১৪ মাৰ্চত অসমত উপস্থিত হ’ব কেন্দ্ৰীয় গৃহমন্ত্ৰী অমিত শ্বাহ

সদৌ বড়ো ছাত্ৰ সন্থা (এবছু)ৰ বাৰ্ষিক সন্মিলনকে ধৰি বহুকেইটা কাৰ্যসূচীত অংশগ্ৰহণ কৰিব

নতুন দিল্লী,১২মাৰ্চঃতিনিদিনীয়া কাৰ্যসূচীলৈ ১৪ মাৰ্চত অসমত উপস্থিত হ’ব কেন্দ্ৰীয় গৃহমন্ত্ৰী অমিত শ্বাহ । সদৌ বড়ো ছাত্ৰ সন্থা (এবছু)ৰ বাৰ্ষিক সন্মিলনকে ধৰি বহুকেইটা কাৰ্যসূচীত অংশগ্ৰহণ কৰিব কেন্দ্ৰীয় মন্ত্ৰীগৰাকীয়ে । অসম চৰকাৰৰ জ্যেষ্ঠ বিষয়াসকলে এই তথ্য সদৰী কৰে ।চৰকাৰী বিবৃতি অনুসৰি ১৪-১৬ মাৰ্চলৈ অসম ভ্ৰমণ কৰিব কেন্দ্ৰীয় গৃহমন্ত্ৰী অমিত শ্বাহে । ১৪ মাৰ্চত যোৰহাটত উপস্থিত হ’ব কেন্দ্ৰীয় গৃহমন্ত্ৰীগৰাকী । ১৫ মাৰ্চত তেওঁ দেৰগাঁৱত নতুনকৈ উন্নীত কৰা লাচিত বৰফুকন আৰক্ষী একাডেমী উদ্বোধন কৰিব । একেদিনাই তেওঁ মিজোৰামো ভ্ৰমণ কৰিব ।তেওঁ ১৬ মাৰ্চত কোকৰাঝাৰত অনুষ্ঠিত হ’বলগীয়া সদৌ বড়ো ছাত্ৰ সন্থাৰ ৫৭ সংখ্যক বাৰ্ষিক অধিৱেশনৰ চূড়ান্ত অধিৱেশনত অংশগ্ৰহণ কৰিব । ১৩ মাৰ্চৰ পৰা ১৬ মাৰ্চলৈ কোকৰাঝাৰৰ বডোফা ফাওথাৰত অনুষ্ঠিত হ’ব এবছুৰ বাৰ্ষিক সন্মিলন ।বিবৃতিটোত কোৱা হৈছে যে এই সন্মিলনখন বডোফা উপেন্দ্ৰ নাথ ব্ৰহ্মক উৎসৰ্গা কৰা হৈছে, যিহেতু দোতমা তেওঁৰ জন্মস্থান । এই সন্মিলনত নীতি নিৰ্ধাৰক, শিক্ষাবিদ আৰু সম্প্ৰদায়ৰ নেতাসকলক একত্ৰিত কৰি শিক্ষা, যুৱ বিকাশ আৰু দীৰ্ঘম্যাদী অগ্ৰগতিৰ বিষয়ে আলোচনা কৰা হ’ব ।