ধুবুৰীত উচ্ছেদৰ সময়ত ব্যাপক হিংসাত্মক পৰিস্থিতি

ধুবুৰীত উচ্ছেদৰ সময়ত ব্যাপক হিংসাত্মক পৰিস্থিতি

লাঠি,লোহাৰ ৰড, বাহেৰে আক্ৰমণ ! এক অৱৰ্ণনীয় পৰিৱেশ !

নিৰাপত্তাৰক্ষীক আক্ৰমণ

তিনিখন এক্সকেভেটৰৰ ক্ষতিসাধন

উচ্ছেদ স্থানত উপস্থিত থকা ৰাইজৰ দলৰ মুৰব্বী অখিল গগৈক আটক

 

ধুবুৰী:

অসমৰ ধুবুৰী জিলাৰ তিনিখন ৰাজহ গাঁৱৰ ৩ হাজাৰ বিঘা মাটি উচ্ছেদ অভিযান কৰাৰৰ সময়তে আজি পৰিস্থিতিয়ে হিংসাত্মক ৰূপ ধাৰণ কৰে।জিলা প্ৰশাসনৰ সহযোগত এক বিশাল আৰক্ষীৰ দলৰ লগতে অৰ্ধসামৰিক বাহিনী মোতায়েন কৰাৰ পাছতো পৰিস্থিতি অধিক ভয়াৱহ হৈ পৰে।চাপোৰ অঞ্চলত উচ্ছেদ কৰা লোকসকল ইমানেই হিংসুক হৈ পৰে যে আৰক্ষী আৰু বিষয়াৰ সৈতে মুখামুখী সংঘৰ্ষত লিপ্ত হয়।

পুৱাৰে পৰা চাৰুৱা বাকৰা, চিৰাকুটা, আৰু সন্তোষপুৰ গাঁৱত আৰম্ভ হোৱা এই অভিযানৰ লক্ষ্য আছিল আদানী গোটৰ প্ৰস্তাৱিত তাপ শক্তি প্ৰকল্পৰ বাবে নিৰ্ধাৰিত হোৱাৰ স্থান বেদখলমুক্ত কৰা। উল্লেখ্য যে উচ্ছেদ চলাবলৈ এক্সকেভেটৰ আৰু বেকহ’ মেচিনবোৰ সোমাই যোৱাৰ লগে লগে শ শ স্থানীয় লোক প্ৰতিবাদৰে ব্যাপক ৰণচণ্ডী ৰূপত ওলাই আহে।আনকি বহুতে শিল, বাঁহৰ লাঠি আৰু লোহাৰ ৰড লৈ এক সজ্জিত আৰু পৰিকল্পিত ৰূপত আক্ৰমণ কৰে।

প্ৰতিবাদকাৰীয়ে নিৰাপত্তাৰক্ষীক আক্ৰমণ কৰাৰ লগতে কমেও তিনিখন এক্সকেভেটৰৰ ক্ষতিসাধন কৰাৰ অভিযোগত উত্তেজনা দ্ৰুতগতিত বৃদ্ধি পায়। খবৰ অনুসৰি এই অভিযানৰ সময়ত সন্তোষপুৰত অৱস্থিত এটা মছজিদও ভাঙি পেলোৱাৰ ফলত স্থানীয় বাসিন্দাসকলে ব্যাপক প্ৰতিবাদ আৰু পথ অৱৰোধ কৰে।

উচ্ছেদ স্থানত পৰিস্থিতি অধিক উত্তেজনা আৰু হিংসা বৃদ্ধি পোৱাত জিলা প্ৰশাসনে আইন অমান্য কৰাৰ অভিযোগত তৎকালীন হস্তক্ষেপ কৰে।পৰিস্থিতি নিয়ন্ত্ৰণৰ বাবে ধুবুৰীৰ জ্যেষ্ঠ আৰক্ষী অধীক্ষক লীনা ড’লেৰ নেতৃত্বত আৰক্ষীয়ে লাঠি চাৰ্জৰ আশ্ৰয় লয়।

জানিব পৰা মতে, আদানী গোটক অনৱাৰ্ড হস্তান্তৰৰ বাবে অসম শক্তি বিতৰণ কোম্পানী লিমিটেডক আবণ্টন দিয়া হৈছে।অনুমোদিত মুঠ ৩৫০০ বিঘাৰ ভিতৰত বৰ্তমান প্ৰায় ৩০০০ বিঘা মাটিত প্ৰায় ১২০০ৰ পৰা ১৪০০ পৰিয়ালে বসবাস কৰি আছে।দৃশ্যমানভাৱে দুৰ্দশাগ্ৰস্ত মহিলা উচ্ছেদিত এগৰাকী মহিলাই সংবাদ মাধ্যমৰ আগত কয় যে, “চৰকাৰে আমাক কিয় এনে কৰিছে? আমি মানুহ নহয়নে? আমি ইয়াত মিলাপ্ৰীতিৰে বাস কৰো—হিন্দু আৰু মুছলমান একেলগে। আমি গোটেই ৰাতিটো সাৰ পাই আছিলো আমাৰ ঘৰ-দুৱাৰ ধ্বংস হোৱাৰ আশংকাত।”

সমান্তৰাল পৰিঘটনাত শিৱসাগৰৰ বিধায়ক তথা ৰাইজৰ দলৰ মুৰব্বী অখিল গগৈক উচ্ছেদ স্থানত উপস্থিত থকাত আৰক্ষীয়ে আটক কৰে।প্ৰথম অৱস্থাত প্ৰশাসনে তেওঁক সেই স্থানত প্ৰৱেশ কৰাত বাধা আৰোপ কৰিছিল।আৰক্ষীৰ অনুৰোধ মানি গগৈয়ে দূৰৈত থাকি স্থানীয় লোকৰ সৈতে শান্তিপূৰ্ণভাৱে মত বিনিময় কৰে।তেওঁ স্থানচ্যুত বাসিন্দাসকলক হিংসাৰ আশ্ৰয় নিদিবলৈ পৰামৰ্শ দি মুখ্যমন্ত্ৰীক ৫০০ বিঘা মাটি আবণ্টন দিবলৈ আহ্বান জনাব বুলি আশ্বাস দিয়ে।আৰক্ষী অধীক্ষকৰ অনুৰোধৰ পিছতে গগৈয়ে সেই অঞ্চল পৰিত্যাগ কৰে।

কিন্তু আধা ঘণ্টাৰ পাছত সেই স্থানত অশান্তিৰ সৃষ্টি হয় আৰু তাৰ পিছতে আৰক্ষীয়ে তেওঁক আটক কৰে।জিম্মাত লোৱাৰ পূৰ্বে অখিল গগৈয়ে সংবাদ মাধ্যমৰ আগত কয় যে উচ্ছেদ অভিযান অবৈধ আৰু অসাংবিধানিক।এয়া সংখ্যালঘুৰ প্ৰতি গুণ্ডাগিৰি আৰু শত্ৰুতাৰ বাহিৰে আন একো নহয়।