নগৰবেৰাত দুৰ্ঘটনাত পতিত স্কুলীয়া বাহন
আহত হৈ চিকিৎসাধীন ১৫ শিক্ষাৰ্থী
নগৰবেৰা:
নগৰবেৰাত দুৰ্ঘটনাত পতিত স্কুলীয়া বাহন।আহত হৈ চিকিৎসাধীন ১৫ জনকৈ শিক্ষাৰ্থী।বুধবাৰৰ পুৱাৰ ভাগতেই পথালিপাৰা গাঁৱৰ পূৱ দিশত নগৰবেৰা পঞ্চায়তৰ সন্মুখভাগৰ পথত সংঘটিত হয় দুখন বাহনৰ মুখামুখি সংঘৰ্ষ।এখন স্কুলৰ ছাত্ৰ ছাত্ৰী কঢ়িওৱা বাহন আৰু এখন মালবাহী টাটা মেজিকৰ মুখামুখি সংঘৰ্ষ হয় ,বাহন দুখনৰ নম্বৰ এএছ ২৫এচি- ২১৯০ টাটা মেজিক আৰু এএচ ১৩ এচি ৪৩১৮ টাটা ডি আই।দুৰ্ঘটনাটোত প্ৰায় ১৫ জনকৈ স্কুলীয়া শিক্ষাৰ্থী আঘাতপ্ৰাপ্ত 
হৈ চিকিৎসাধীন | স্কুলীয়া বাহন খনৰ আছিল আদৰ্শ বিদ্যালয়’ দোকুচিৰ ছাত্ৰ ছাত্ৰী।স্কুলীয়া বাহন খন নগৰবেৰাৰ পৰা পলাহৰটাৰী স্থিত আদৰ্শ বিদ্যালয়লৈ গৈ থকা অৱস্থাত শিমলীতোলা দিশৰ পৰা নগৰবেৰা অভিমুখে গৈ থকা মালবাহী বাহন এখন গৈ বাহন খনত প্ৰচণ্ড জোঁৰত খুন্দা মাৰে।খুন্দিওৱাৰ শব্দ ইমানেই জোৰত হৈছিল যে প্ৰতিবেশী সকলো মানুহ শব্দৰ উৎস বিচাৰি ৰাজপথলৈ ওলাই আহে।পোন্ধৰজনকৈ শিক্ষাৰ্থী কঢ়িওৱা বাহন দুৰ্ঘটনাত পতিত হোৱাৰ খৱৰে চাঞ্চল্য বিয়পায়।