বৰবৰুৱাত অসম আবৃত্তি আৰু সাংস্কৃতিক পৰিষদৰ প্ৰতিষ্ঠা দিৱস উদযাপন
চাইন অন ডেস্ক:
ডিব্ৰুগড় চহৰৰ উপকণ্ঠ বৰবৰুৱাত বৰবৰুৱা সাহিত্য সভাৰ কাৰ্যালয়ৰ প্ৰেক্ষাগৃহত ২৯ মাৰ্চ তাৰিখে অসম আবৃত্তি আৰু সাংস্কৃতিক পৰিষদৰ তৃতীয় বাৰ্ষিক প্ৰতিষ্ঠা দিৱসৰ লগতে গণশিল্পী ভূপেন হাজৰিকাৰ জন্ম শতবাৰ্ষিকী উপলক্ষে শ্ৰদ্ধাঞ্জলি অনুষ্ঠান অনুষ্ঠিত হয়। এই উপলক্ষে পতাকা উত্তোলন কৰে পৰিষদৰ অন্যতম উপদেষ্টা পাৰুল বৰুৱাই আৰু ভূপেন হাজৰিকাৰ প্ৰতিচ্ছবিত পুষ্পাঞ্জলি অৰ্পণ কৰে সম্পাদিকা ভাগ্যলক্ষী চৌহানে।
অসম আবৃত্তি আৰু সাংস্কৃতিক পৰিষদৰ বৰবৰুৱা শাখাৰ সভানেত্ৰী মীৰা কোঁৱৰ চুতীয়াৰ সভাপতিত্বত অনুষ্ঠিত সভাত সভাপতিৰ ভাষণত তেখেতে সাংস্কৃতিক পৰিষদৰ কাম কাজৰ উপৰিও, গণশিল্পী ভূপেন হাজৰিকাৰ অসমীয়া জাতীয় জীৱনলৈ আগবঢ়াই থৈ যোৱা অমূল্য বৰঙণিৰ বিষয়ে চমু বক্তব্য প্ৰদান কৰে।
সভাত সমবেত সকলোৱে ভূপেন হাজৰিকাৰ “মৃত্যু জিনাৰ গান” শীৰ্ষক কবিতাটো সমবেত আবৃত্তি পৰিৱেশন কৰে।