ডিব্ৰুগড়ৰ বাট পথৰ নিৰ্মাণ আধৰুৱা
সদৌ ডিব্ৰুগড় ছাত্র সন্থাৰ তীব্ৰ প্ৰতিবাদ
দহ দিনৰ সময়সীমা !
ডিব্ৰুগড়ৰ লোক নিৰ্মাণ বিভাগ আৰু পৌৰনিগমৰ অন্তর্গত বাট পথ সমূহৰ নিৰ্মাণৰ কাম আধৰুৱা কৰি ৰখাত সদৌ ডিব্ৰুগড় ছাত্র সন্থাই আজি প্ৰতিবাদী কাৰ্য্যসূচী গ্ৰহণ কৰে। ডিব্রুগড চহৰৰ বিভিন্ন স্থানত বাট পথৰ কামবোৰত বিশৃংখলাৰ বাবে জনসাধাৰণ সমস্যাৰ সম্মুখীন হৈছে।
নির্মীয়মান অৱস্থাত থকা পথ সমূহৰ লগতে নলাসমূহ নিৰ্মাণত আধৰুৱা হৈ আছে । ডিব্ৰুগড়ৰ কৃত্ৰিম বানপানীৰ কথা সৰ্বজনবিদিত। এবছৰ পূৰ্বে নিৰ্মাণ কৰা এই প্ৰকাণ্ড নলা সমূহ আধাতে এৰি থৈ দিয়া বাবে এজাক বৰষুণতে বাটপথ সমূহ কৃত্ৰিম বানপানীৰে ভৰি পৰে।ডিব্ৰুগড় ছাত্ৰ সন্থাৰ দলটোৱে প্ৰতিবাদী কাৰ্য্যসূচী গ্ৰহণ কৰি অসম চৰকাৰ হায় হায়, পৌৰ নিগম হায় হায় আদি ধ্বনি দিয়ে লগতে আৰু কয় যে মুখ্যমন্ত্ৰীয়ে দ্বিতীয় ৰাজধানী ঘোষণা কৰাৰ পাছতো আজি পথৰ এই অৱস্থা।