ঢকুৱাখনাত আৰক্ষীয়ে খেদি খেদি ধৰিলে
দুই ড্ৰাগছ সৰবৰাহকাৰীক
*ঢকুৱাখনা:*
ড্ৰাগছৰ বিৰুদ্ধে অভিযান চলাই আজি ঢকুৱাখনা আৰক্ষীয়ে দুজন ড্ৰাগছ সৰবৰাহকাৰীক আটক কৰিবলৈ সক্ষম হয়।আৰক্ষীয়ে গোপন খবৰৰ ভিত্তিত অভিযান চলাই গোবিন্দপুৰৰ পৰা খেদি খেদি সোণাৰি চাপৰিত কৰায়ত্ত কৰিলে স্কুটিসহ দুই ড্ৰাগছ সৰবৰাহকাৰীক।ঢকুৱাখনা থানাৰ ভাৰপ্ৰাপ্ত আৰক্ষী বিষয়া নেতৃত্বত আৰক্ষীৰ দলটোৱে অভিযান চলাই এ এছ ২৯ -১৮৭৭ নম্বৰ স্কুটিখনৰ পৰা ৪.৯২ গ্ৰাম নিষিদ্ধ ড্ৰাগছ জব্দ কৰে আৰক্ষীয়ে।আটকাধীন দুই ড্ৰাগছ সৰবৰাহকাৰী যুৱক হৈছে সোণাৰি চাপৰি আৰক্ষী চকীৰ অন্তৰ্গত মিলন নগৰৰ বিশ্বজিৎ চুতীয়া আৰু কেকুৰি কঠালগুৰিৰ ৰায় পেগু।যুৱক কেইজনে ঢকুৱাখনা,সোণাৰি চাপৰি
অঞ্চলত দীৰ্ঘদিনীয়া পৰাই ড্ৰাগছ বেপাৰ চলাই আহিছিল বুলি অভিযোগ উত্থাপন হৈছে।
ইতিমধ্য আৰক্ষীয়ে ঢকুৱাখনা থানাত এটা গোচৰ পঞ্জীয়ন কৰি দুই ড্ৰাগছ সৰবৰাহকাৰীক জেৰা অব্যাহত ৰাখিছে ।
