বক্সিৰহাটত অসম অভিমুখী ট্ৰাকৰ পৰা ১৬ টাকৈ গো-ধন উদ্ধাৰ
আটক ট্ৰাক চালক
চাইন অন ডেস্ক:
যোৱা নিশা ধুবুৰী জিলাৰ অসম-বংগ সীমান্তৰ ছাগলীয়াৰ সমীপৱৰ্তী পশ্চিমবংগৰ বক্সিৰহাটত এখন ট্ৰাকৰ পৰা আৰক্ষীয় ১৬টাকৈ গো-ধন উদ্ধাৰ কৰা বুলি জানিব পৰা গৈছে। জানিব পৰা মতে, বক্সিৰহাটৰ সূৰ্য্য সেন মোৰত অসম অভিমুখী এএছ০১টিচি/৬২৩০ নম্বৰৰ ট্ৰাক এখনত বক্সিৰহাট আৰক্ষীৰ এটা দলে তালাচী চলাই বস্তাৰ তলত লুকাই অনা ১৬টাকৈ গৰু উদ্ধাৰ কৰে। ট্ৰাকখনৰ চালকজনক কৰায়ত্ত কৰি বক্সিৰহাট থানাত শোধপোচ চলাই থকা বুলি প্ৰকাশ।