ডিব্ৰুগড়ত লেখিকা- চিত্ৰশিল্পী ইলোৰা ভাগৱতীৰ ‘ৰাগ-অনুৰাগ’ শীৰ্ষক গ্ৰন্থ উন্মোচন ড০ নগেন শইকীয়াৰ
চাইন অন ডেস্ক:
ডিব্ৰুগড়ৰ জীৱন ফুকন নগৰৰ নিবাসী স্বনামধন্য সাহিত্যিক তথা অসম সাহিত্য সভাৰ প্ৰাক্তন সভাপতি ড০ নগেন শইকীয়াৰ বাসগৃহ বৰ্ণমালাত কালি লেখিকা-চিত্ৰশিল্পী ইলোৰা ভাগৱতীৰ ‘ৰাগ-অনুৰাগ’ শীৰ্ষক গ্ৰন্থ উন্মোচন হৈ যায়। গ্ৰন্থখন উন্মোচন কৰি বিশিষ্ট সাহিত্যিক ড০ নগেন শইকীয়াই কয় যে, ইলোৰা ভাগৱতীয়ে চিত্ৰশিল্প সম্পৰ্কীয় তিনিখন গ্ৰন্থ ইতিমধ্যে প্ৰকাশিত হৈছে। ৰাগ-অনুৰাগ কবিতা পুথিখনৰ চৰিত্ৰ অলপ পৃথক বুলি মন্তব্য কৰে সাহিত্যিকগৰাকীয়ে। ডিব্ৰু মহাবিদ্যালয়ৰ প্ৰাক্তন উপাধ্যক্ষ বীৰেন বৰুৱাই আঁত 
ধৰা অনুষ্ঠানত মোম্বাইস্থিত সাহিত্য অনুৰাগী ত্ৰিনয়ণ সন্দিকৈ, গায়ত্ৰী বৰুৱা, ড০ মন্দিৰা বৰঠাকুৰ শইকীয়া, গৌতম শইকীয়া, শান্তনু ৰঞ্জন বৰঠাকুৰ, জুপিতৰা বৰঠাকুৰ আৰু মনোজ কুমাৰ ভাগৱতী উপস্থিত থাকে। অনুষ্ঠানৰ শেষত লেখিকা ইলোৰা ভাগৱতীয়ে সকলোকে শলাগ জ্ঞাপন কৰে।