...

ঢকুৱাখনাত বিজেপি-কংগ্ৰেছৰ তীব্ৰ নিৰ্বাচনী প্ৰচাৰ

Spread the love

ঢকুৱাখনাত বিজেপি-কংগ্ৰেছৰ তীব্ৰ নিৰ্বাচনী প্ৰচাৰ

উন্নয়নৰ স্বাৰ্থত ৰাইজক ভোট দিবলৈ আহ্বান বিজেপিৰ

ঢকুৱাখনা:

ৰাজ্যত নিৰ্বাচনী গৰম বতাহ। চমু সপিছে নিৰ্বাচনৰ দিন,তুংগত উঠিছে প্ৰতিটো ৰাজনৈতিক দলৰ নিৰ্বাচনী প্ৰচাৰ।প্রতিকূল বতৰক নেওচি ৭৭ নং ঢকুৱাখনা বিধানসভা সমষ্টিত শাসকীয় বিজেপি আৰু বিৰোধী কংগ্ৰেছ দলৰ জোৰদাৰ নির্বাচনী প্রচাৰে ভোটাৰ ৰাইজক আকর্ষিত কৰি তুলিছে। সাধাৰণ ভোটাৰ ৰাইজৰ মাজত সোমাই দুয়োটা দলে নিজা নিজা দলীয় নীতি-আদর্শ প্ৰচাৰ কৰাৰ সমান্তৰালভাৱে চৰকাৰ গঠন কৰিব পাৰিলে নানা সা-সুবিধা প্রদান কৰাৰ প্রতিশ্রুতি আগবঢ়াইছে। ঢকুৱাখনা সমষ্টিৰ পৰা তিনিবাৰকৈ বিধায়ক হিচাপে প্ৰতিনিধিত্ব কৰা বিজেপি মিত্রজোঁটৰ প্রার্থী নৱ কুমাৰ দলেই প্রতিদিনে ৬-৭খনকৈ নির্বাচনী প্ৰচাৰ সভা অনুষ্ঠিত কৰিছে। সমান্তৰালভাৱে বিৰোধী দল কংগ্রেছেৰ প্রার্থী আনন্দ নৰহো পিছপৰি থকা নাই।কংগ্রেছক কিয় ভোট দিব লাগে ,কিয় ভোট দিব লাগিব ভোটাৰ ৰাইজক বুজনি দিছে। ইতিমধ্যে কংগ্ৰেছে ২০ খনৰো অধিক নির্বাচনী প্রচাৰ সভা অনুষ্ঠিত কৰিছে। সভাত ৰাইজৰ ব্যাপক সঁহাৰিও পৰিলক্ষিত হৈছে।বহু সংখ্যক দলীয় কৰ্মী -সমৰ্থকক লগত লৈ অধিক আত্মবিশ্বাসেৰে সমষ্টিবাসী ৰাইজক প্রার্থী গৰাকীয়ে বহুত প্রতিশ্রুতিও আগবঢ়াইছে। ইফালে, বিজেপি মিত্রজোঁটৰ প্রার্থী নৱ কুমাৰ দলেই ইখনৰ পিছত সিখন নির্বাচনী প্রচাৰ সভাত বুজনসংখ্যক দলীয় সমর্থকৰ লগতে সকলো শ্রেণীৰ ৰাইজৰ সঁহাৰি লাভ কৰিবলৈ সক্ষম হৈছে।পোন্ধৰ বছৰীয়া ৰাজনৈতিক অভিজ্ঞতাৰে পুষ্ট নৱ কুমাৰ দলেয়ে নির্বাচনী প্রচাৰ সভাসমূহত কোনোধৰণৰ বিশেষ আক্রমণাত্মক বাক্যবানৰ সলনি সম্পূর্ণ মার্জিত ভাষাৰে দাঙি ধৰা ভাষণে সকলো শ্রেণীৰ ৰাইজক আশ্বস্ত কৰিবলৈ সক্ষম হোৱা পৰিলক্ষিত হৈছে।প্ৰতিখন নিৰ্বাচনী সভাতে বিধায়ক হিচাপে ১৫ বছৰীয়া আৰু বিজেপিয়ে বিগত ১০ বছৰত ঢকুৱাখনাৰ বাবে কৰা উন্নয়নমূলক কামৰো খতিয়ান দাঙি ধৰে প্রার্থীগৰাকীয়ে।ড° হিমন্তবিশ্ব শর্মা নেতৃত্বাধীন বিজেপি মিত্রজোট চৰকাৰৰ বিগত দিনত সকলো ক্ষেত্রতে হোৱা দ্রুত উন্নয়ন আৰু বিভিন্ন চৰকাৰী আঁচনিয়ে ৰাইজক কেনেধৰণে উপকৃত কৰিলে
ভোটাৰ ৰাইজক অৱগত কৰি মিত্রজোটৰ প্রার্থী দলেয়ে আগন্তুক দিনত ঢকুৱাখনাৰ
বিকাশ আৰু উন্নয়নত অধিক গুৰুত্ব প্রদান কৰিব বুলিও প্ৰতিখন নিৰ্বাচনী সভাতে
নিশ্চিতি প্রদান কৰিছে।ইয়াৰ মাজতে সমষ্টিটোত মুখ্যমন্ত্ৰী ড° হিমন্তবিশ্ব শর্মা আৰু কেন্দ্ৰীয় মন্ত্ৰী সৰ্বানন্দ সোণোৱালে
দুখনকৈ বিশাল জনসভাত অংশগ্ৰহণ কৰি বিজেপি প্রার্থী নৱ কুমাৰ দলেৰ হৈ নিৰ্বাচনী প্ৰচাৰ চলাই যোৱাক কেন্দ্ৰ কৰি বিজেপি মিত্ৰজোঁটৰ শিবিৰক আত্মবিশ্বাসী কৰি তুলিছে।এক কথাত শাসক-বিৰোধীৰ নিৰ্বাচনী প্ৰচাৰ আকৰ্ষণীয় হৈ উঠিছে ঢকুৱাখনা সমষ্টিত।

Leave a Reply

Your email address will not be published. Required fields are marked *