ঢকুৱাখনাত মুখ্যমন্ত্ৰী ড° হিমন্ত বিশ্ব শৰ্মাৰ বিশাল জনসভা
৩৬ হাজাৰ মহিলাক আৰ্থিক সাহায্য প্ৰদান
“লাখপতি আৰু অৰুণোদয় আঁচনিয়ে ৰাজ্যৰ মহিলাৰ বাবে সন্মান কঢ়িয়াই আনিছে”-
মুখ্যমন্ত্ৰী ড° হিমন্ত বিশ্ব শৰ্মা
*ঢকুৱাখনা:*
ৰাজ্যৰ মহিলাসকলক আৰ্থিকভাৱে স্বাৱলম্বী কৰাৰ লক্ষ্যৰে ৰাজ্য চৰকাৰে গ্ৰহণ কৰা এক অভিলাষী আঁচনিৰ অংশস্বৰূপে আজি ঢকুৱাখনাত এক বিশাল কাৰ্যসূচী অনুষ্ঠিত হয়।
৭৭ নং ঢকুৱাখনা (জনজাতি) বিধানসভা সমষ্টিৰ
অন্তৰ্গত বিভিন্ন আত্মসহায়ক গোটৰ মুঠ ৩৬,০৫০ গৰাকী মহিলা সদস্যাক আজি আনুষ্ঠানিকভাৱে মুখ্যমন্ত্ৰী মহিলা উদ্যমিতা অভিযানৰ চেক বিতৰণ কৰা হয়।ঢকুৱাখনা সমজিলা প্ৰশাসনে ঘিলামৰা খণ্ড উন্নয়ন বিষয়া কাৰ্যলয়ৰ খেলপথাৰত আয়োজন কৰা ‘মুখ্যমন্ত্ৰী মহিলা উদ্যমিতা আঁচনি’ৰ চেক বিতৰণ অনুষ্ঠানত মুখ্য অতিথি হিচাপে উপস্থিত থাকি মুখ্যমন্ত্ৰী ড° হিমন্ত বিশ্ব
হিতাধিকাৰীসকলৰ মাজত আনুষ্ঠানিকভাৱে চেক বিতৰণ কৰাৰ লগতে মহিলাসকলক উদ্দেশ্যি কেইবাটাও গুৰুত্বপূৰ্ণ মন্তব্য কৰে।ৰাজ্য চৰকাৰে নাৰী সমাজৰ সন্মান বৃদ্ধি আৰু মহিলা সবলীকৰণৰ বাবে ভাবিব নোৱৰা ধৰণে পদক্ষেপ গ্রহণ কৰিছে বুলি উল্লেখ কৰি মুখ্যমন্ত্রী ড° হিমন্ত বিশ্ব শৰ্মাই কয় যে – লাখপতি আৰু অৰুণোদয় আঁচনিয়ে অসমৰ মহিলাৰ বাবে বিৰল সন্মান কঢ়িয়াই আনিছে।ভাষণ প্ৰসংগত মুখ্যমন্ত্ৰীগৰাকীয়ে হিতাধিকাৰী মহিলাসকলক তেওঁলোকে লাভ কৰা ধনৰাশি উৎপাদনশীল কামত ব্যৱহাৰ কৰিবলৈ আহ্বান জনাই আৰু তেনে উদ্যমী মহিলাসকলক ভৱিষ্যতে ৰাজ্য চৰকাৰৰ ফালৰ পৰা ৫০ হাজাৰ টকালৈকে আৰ্থিক সাহায্য আগবঢ়াব বুলিও ভাষণ প্ৰসংগত উল্লেখ কৰে ।ইতিমধ্যে অসমৰ ৪০ লাখ মহিলাই অৰুণোদয় আঁচনি সুবিধা লাভ কৰিছে বুলি উল্লেখ কৰি অসমৰ মহিলা সৱলীকৰণৰ উদ্দেশ্যে ৰূপায়ণ কৰা আঁচনিৰ বাবদ মুঠ ৩৬
কোটি ১৮ লাখ ৬০ হাজাৰ টকা ৩৬ লাখ মহিলাৰ মাজত বিতৰণ কৰা হ‘ব বুলি তেওঁ কয়। অসমত পূৰ্বে মহিলাৰ কাৰণে কোনো এখন চৰকাৰে ইমান সংখ্যক ধন ব্যয় কৰা নাছিল বুলি ড০ শর্মাই উল্লেখ কৰি এই আঁচনিখনৰ জৰিয়তে ৰাজ্যৰ মহিলাসকলক স্বাৱলম্বী হ‘বলৈ আহ্বান জনায়। বিধায়ক নৱ কুমাৰ দলেৰ নেতৃত্বত অতি কম সময়ৰ ভিতৰতে ঢকুৱাখনা সমষ্টিয়ে অসমৰ এটা অন্যতম উন্নত সমষ্টিলৈ পৰিণত হোৱাৰ দিশত আগবাঢ়িছে বুলি মন্তব্য কৰি ঢকুৱাখনা সমষ্টিৰ দুই হেজাৰ মহিলালৈ অৰুণোদয় প্ৰদান কৰিব বুলি বিশাল ৰাজহুৱা সভাত ঘোষনা কৰে।
অনুষ্ঠানত আদৰণি ভাষণ প্ৰদান কৰি স্থানীয় বিধায়ক নৱ কুমাৰ দলেই কয় যে, অসমৰ গ্ৰাম্য অৰ্থনীতি শক্তিশালী কৰাত মহিলাসকলৰ ভূমিকা অপৰিসীম।তেওঁ উল্লেখ কৰে যে চৰকাৰে মহিলাসকলক কেৱল ঘৰুৱা কামতে আবদ্ধ নাৰাখি তেওঁলোকক একোজনকৈ সফল উদ্যমী হিচাপে গঢ়ি তুলিব বিচাৰে। এই আৰ্থিক সাহায্যই মহিলাসকলক নিজাকৈ ক্ষুদ্ৰ ব্যৱসায় আৰম্ভ কৰাত সহায় কৰিব বুলিও তেওঁ আশা প্ৰকাশ কৰি অসমৰ ভিতৰতে এটা শ্ৰেষ্ঠ সমষ্টি হিচাপে
ঢকুৱাখনাক তোলাত অংশীদাৰ হবলৈ আহ্বান জনায়।আজিৰ সভাত ৰাজ্য চৰকাৰৰ শিক্ষা তথা লখিমপুৰ জিলাৰ অভিভাৱক মন্ত্ৰী ডা: ৰণোজ পেগু,মাজুলীৰ বিধায়ক ভুবন গাম, লখিমপুৰ জিলা পৰিষদৰ সভানেত্ৰী ছোনিয়া বৰগোহাঁই,হাৰ্হি-মাতমৰা আৰু ঘিলামৰা জিলা পৰিষদৰ সদস্যদ্বয় প্ৰণৱ পেগু,চন্দেশ্বৰ গগৈ আৰু সমজিলা প্ৰশাসনৰ বিষয়ববীয়াসকল আৰু হিতাধিকাৰী মহিলাসকল উপস্থিত থাকে।